E k’o oxk’al oxib’ k’ak’ eqa’lenel xe’ok pa le wokajil ri Fuerzas Especiales rech Chajin Tinamit (FEP) rech ri Wokaj Chajil tinamit (PNC) are la’ rech ya’ik uchuq’ab’ ri chajinem tzukunik kab¿anik pa le kachajixik ri winaqilal xuquje’ ri b’anoj chajinem pa Iximulew.
Eri eqa’lenelab’ ri’ are kuwach ri jun grupo élite ri kowilaj katijoxik xb’anik, rech uq’atexik taq b’anoj k’ax pa tinamit, pa utaqxik unimaxik ri Ya’tal Winaqib’ xuquje’ ri jikom taqanem pa tinamit.
Eri Viceminsitro rech Tecnología rech Tzijol xuquje’ Tzijob’en ib’, William Cameros, ri ajk’amal b’e ri b’anonem ri’, xuki’kotirsaj kuwach ri k’ak’ reqa’leenl ri fuerzas especiales xusquje’ sib’alaj xub’ij k’o nim upatanib’al xk’is ktijoxik. Xuquje’ xtoq’ani chke ri xkitijoj kib’ rech chakiterne’j ri kichik’am ruk’ raq’anik keqale’n pa le wokajilal ri’, rech ke’ok che k’ak’ keqale’n. “Are wa’ jun q’ijol rech k’exnem, rech we utz ri kichakuj pa tinamit, utz ri k’exnem kib’an ri’” xcha’ xuk’is utzij.
Rumal ri’, eri K’amal B’e rech PNC, Davis Custodio Boteo, xub’ij eri katijoxik uwach ri Fuerzas Especiales rech Chajinem Tinamit, man xaq ta ri’ jun chak, xane’ are jun b’e jikom uwach ri kutaq nim chuq’ab’, k’ow ub’anik xuquje’ ruk’ jun nim animaq’ keanimax ri qatinamit. “Man k’ot jun xtaqchi’n iwe, ix xik’ax jun b’e ichak ri tijowk’ax chuq’ab’, ri kinimaj uwach ruk’ nim utzilem”, xcha’.
Pa oxib’ ik’, eri kak’al b’elejlajun chi achijab’ kuk’ ri e kajib’ chi ixoqib’ e are kuwach ri Trigésimo Segundo Curso rech Especialización rech Fuerzas Especiales rech Chajinem Tinamit ri xkitijoj kib’ rech qas kakinimaj ub’anik ri rajwaxik, rech xkich’ob’ ub’anik ri chak kakib’ano pa le utz kachajixik ri winaqilal. Eri nim tijonem xkik’amo ri eqa’lenelab’ ri’ rech xkich’ob’ k’ak’ taq eta’manik rech kena’w che q’atenik ri k’ax kak’ulmatajik, rech kakib’an puqchajinem xuquje’ rech ketob’anik pa taq ri k’ax kupetisaj ri kaqiq’ nimajab’.
Pa le nimantzij xb’an pa le Academia rech ri PNC, “Dr. Carlos Vinicio Gómez Ruiz”, k’o pa zona 6 pa nimatinamit, chi’ xk’oji ri Director General Adjunto rech ri PNC, Helver Beltetón, ri rajtaqanelab’ wokaj chajin tinamit, ri kachalalil ri xk’is katijoxik xuquje’ ri alaj ak’al José Luc, ri k’o q’ayinaq yab’il chi rech, eri a José ri’ xub’ij ri nim uchik’am are kakanaj che ajchajinel rech ke’unimaj ruk’ ronojel chuq’ab’ ri nimatinamit.