Eri pajib’al uwach ri tzukunem chajinik b’anom k’a pawe q’ij ruk’ ri jachib’al ub’ixikil ri chak b’anom are uwach ri chajinem kib’anom ri Wokaj Ajchajinelab’ rech Tzukno’jchak (DEIC), rech ri Wokajil Ajchajil Tinamit (PNC), are uwach qas xtzijob’ex pa le riqow ib’ xb’an pa k’isb’al junio ri’ pa le nimaja rech ri Dirección General rech ri PNC.
Eri Viceministra rech Seguridad, Claudia Palencia, are xuk’am ub’e ri b’anoj chomanem, ri xub’ij wi k’o nim upatanib’al ri chak kib’anom ri tzukunelab’ rech chajin tinamit rech ujachik ri utz ub’ixikil chak chi ke ri winaqil e aj iximulew. Sib’alaj xuya utzijol che xchap jun b’anol k’ax ri’, are la’ nim utzilem xb’antaj kukmal ri e ajchajinel pa wokajil.
Xuquje’ eri Viceministra Palencia sib’alaj xub’ij pa amaq’el kab’an ri solinem pa le rachoch taq ri Subdirección General rech Investigación Criminal (SGIC) rech ri PNC, k’o pa juntir rulewal amaq’il, rech kilik chak b’anom xuquje’ rech kachomaxik ri rajwaxik kak’utun ri’ rech ya’ik uchuq’ab’ ri tzukno’jchak rech kachomaxik.
Pa le riqon ib’ xek’oji ri Director General rech ri PNC, David Custodio Boteo, xuquje’ ri Subdirector General rech Investigación Criminal rech ajchajil tinamit, Edis Fabián Hernández, ri xkib’ij chi ke ri tzukunel rech chajin tinamit rech kakiterne’j ub’anik ri utzilem chi ke ri winaqilal, xuquje’ rech kakitunu kchuq’ab’ rech ya’ik uchuq’ab’ ri chajinem tzukunik rech ri utz b’anoj chajinik pa juntir rulewal ri tinamit.