Pa wuqub’ q’ij rech julio, eri reqa’lenel ri Subdirección General rech Prevención rech Delito rech ri Wokajil Ajchajil Tinamit (SGPD-PNC) xkib’an jun kiosko rech k’olib’al tzijol pa Pasos y Pedales ri’, k’o pa le Avenida Las Américas, zona 13 rech ri nimatinamit, rech xtaqixik kamolik katzijob’exik ri winaqilal rech q’atenik b’anoj k’ax pa kachoch winaq, ri ch’ijom b’anoj k’ax xuquje’ rech maj jun kutij chik awan kunab’al.
Eri Ukab’ K’amal B’e rech Amaq’, Karin Herrera, xub’ij k’o nim upatan le kchak kakib’an ri ajchajil tinamit rech kakimol kib’ kuk’ winaqilal kuk’ taq ri ak’alab’, ab’om, alitom ri’ ruk’ a Lesh, a Polito xuquje’ al Polita,” are rech kak’ut jas le ub’anik ri chajinem kab’an pa taq ri qatinamit”.
Rumal ri’ eri oficial Belter Zuñiga, rech ri SGPD, xub’ij che taqim rech ke’ok e k’i ajchajinelab’ pa Pasos y Pedales, rech kakitzijob’ej ri winaqil rech kakich’ob ri chajinem kakib’an ri PNC.
“Eri utaqib’im upatan ri kiosko are rech eri winaqil che ri ke’opan pa Pasos y Pedales rech qas kakich’ob’ uwach ri upatan ri wokajil chajin tinamit xuquje’ rech kaketa’maj ke’oik pa aninaqil wexa’ rajwaxik keto’ ri’”, xcha’ ri a Zúñiga.
Sib’alaj k’o nim upatan utob’anik ri q’ateb’al ri’ xuquje’ le autopatrulla Corvette le sib’alaj kakikajmaj le rilik le ak’alab’, ri pa amaq’el ke’opanik kakesaj kachib’al ruk’ pa le b’anonem kamik.
Eri Mingob
Chi uwach le Ministerio rech Gobernación, pa zona 1 ri’, le reqa’leenl ri División Nacional rech Q’atenel taq Pandillas (DIPANDA) xkikoj jun kiosko ri’ chi’ k’ut xkijach wi le wujtzijol chi ke ri winaqilal ruk’ rajilab’al ch’aweb’al rech kakib’ij wi loq rech kaq’atexik ri toq’in pwaq kumal elaq’omab’.
Pa aninaqil k’ut le winaqilal ya’tal rech kakiya ub’ixik pa le 1574, 1571 xuquje’ pa 110 rech PNC.