Pa wuqub’ q’ij rech julio, pa Santa María Ixhuatán, Santa Rosa, eri rajtzukunel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xkichap jun achi ub’i’ Miguelito Monterroso Cardona, uq’ab’em ub’i’ “Liebre”, 21 ujunab’, ri kab’ixik are uwinaqil jun molaj b’anol k’ax kakeleq’aj kejach’ich’ kib’i’ “Los Manacales”.
Eri winaqil xkiya ub’ixik, eri jun Miguelito kuk’ ri rachi’l kakib’an ri elaq’, e are kakib’an elaq’ pa rachoch k’ayib’al rech kejach’ich’, e are kab’ixik kakib’an ri elaq’ ruk’ taq k’aqb’al pa taq ri aldeas pa tinamit ri’.
Eri jun q’ab’em ub’ixik “Liebre” are xchapik are chi’ xq’atexik kumal e ajchajil tinamit are chi’ b’enaq chi rij jun kejach’ich’ kaq’ rij maj ri placa reqam, are xe’uk’aqo chi k’aqb’al ri xechapoj rech, rumal ri’ xukaj jun chi kech.
Eri jun winaq xchap ri’ xriq jun k’aqb’al Glock calibre 9 milímetros, ri maj uwuj reqam xuquje’ ruk’ jun kejach’ich’ releq’am pa le oxib’ q’ij reh julio pa aldea aldea Ojo de Agua, Nueva Santa Rosa. Xuquje’ eri jun alias “Liebre” rachi’l keb’ achijab’, ri xekanimajik, xkitzaq kanoq ri jun kejach’ich’ marca Bajaj rech Pulsar ri xkeleq’aj pa 23 rech mayo pa junab’ir ri’ chi la’ pa Nueva Santa Rosa.
Eri q’atb’al tzij rech chajin tinamit xkiya utzijol chi k’o k’i puq e ajtzukunel ri kinaqajim kij nik’aj b’anol k’a ri’ rech kakichap loq.