Pa le uq’ijol kitaqik ri reqa’lenelab’ ri Wokajil Ajchajil Tinamit (PNC) are rech kab’an nim chajinem q’atenik pa le uq’ij rech katojik ri Bono 14 pa ronojel taq tinamit. Eri chajinem ri’ are kab’an kumal taq ri comisarías, divisiones xuquje unidades especializadas rech ri wokajil ajchajil tinamit rech uwach ri ukab’ b’anob’al rech ri Plan Centinela, ri qas taqim ubanik ri’ ri chajinem winaqilal xuquje’ rech q’atenik taq b’anoj k’ax.
Pa le b’inisaxik ri ya’olchajinem, ri puqtzukunem chajinik chi rij kejach’ich’ xuquje’ che kaqan pa taq ri jalajoj k’olib’al pa nimatinamit Iximulew, pa le ukojik ri tob’chakub’al biométricos rech rilik le kitzijol ri winaqilal pa taq k’ayib’al xuquje’ xuquje’ pa nik’aj chik k’ayib’alil rech rilik we e k’o winaq taqom kichapik ri’ xuquje’ rech uq’atexik ri awan jastaq ri’, rech q’atenik kumal ri ajchajil tinamit.
Pa taq ri k’olib’al b’anoj chajinem q’atenik che ri kojom pa taq uxo’l nimab’e pa tinamit che ri qas ke’ok’ow wi ri ch’ich’ e b’inisam, ri kejach’ich’ e b’inisam, ri taxis e b’inisam xuquje’ le nimaq’ ch’ich’ e b’inisam pa tinamit ri’ rech kilik we man taqom ta kichapik, we keqam kiwujilal, we pa retal kerumumik xuquje’ rech we kakinimaj ri q’alanem chi ke rumal ri Taqanem rech Tránsito ri’.
Eri Ministro rech Gobernación, Francisco Jiménez, sib’alaj xuya utzijol che pa konojelil ketajin ri wokajil chajil tinamit pa b’anoj ya’olchajinem che ri qas keq’ax kewa’kat wi ri winaqil, jacha pa rachoch nimaja k’olme’r, pa rachoch k’ayib’al, pa cajeros automáticos, pa taq cooperativas, pa rachoch taq nima’q k’ayib’alil, pa taq kiq’axeb’al winaq, pa kitak’alib’al ri nima’q ch’ich’ rech erelwinaq. “Kaq’al ri b’anoj taq uxulanem ri’. Qakowij qib’ b’a’ kaqak’ama kachuq’ab’ ri’, uj rajwaxik chi ke ri winaqil pa tinamit”, xcha’.
Ruk’ ri b’anoj chajinem tajin rumal ri Wokom K’amal B’e rech Iximulew ri’ pa reqele’n ri Taqawokajil Ya’olchajinem ri’ sib’alaj xub’ij che are rech kab’an utzilal rech kechajix ri winaqil ri jastaq kimeb’il ri winaqilal pa le b’anoj uloq’ik kijastaq xuquje’ pa tojb’al rech ri Bono 14 ri’.
Xuquje’ rech kak’oji ri utzilaj joremal ri jorob’alil kub’al k’u’x chi kuwach ri wokajil ajchajil tinamit kuk’ ri winaqil pa tinamit.