Eri xutun rib’ le Ministerio rech Gobernación pa le ya’ltzijol “Corazón Azul rech Q’atenem ri Ch’ijom K’ax chke Winaqib’” are jun nim k’utb’al retalil pa le utunik ri komonchuq’ab’ kumal ri wokajilal rech uq’atexik uq’alik ri ch’ijom k’ax ri’ pa Iximulew. Eri wokom cholchak ri’ rumal ri Oficina rech ri Naciones Unidas rech q’atenem ri awan kunab’al xuquje’ ri b’anoj k’ax (UNODC) xuquje’ ri ri wokom ub’anik rumal ri Secretaría Contra ri Violencia Sexual, Explotación ruk’ ri Trata de Personas (SVET), ri taqij che kaq’alik ri winaqil chi rij ri kupatanij ri q’atenem q’alenik ri k’ax ri’.
Eri Ukab’ K’amal B’e amaq’ Karin Herrera, ri sib’alaj xujuch’ uk’amik ri reqele’n tzij, ri are sib’alaj xub’ij ri kupatanij ri komonchuq’ab’ kab’an kumal ri wokajilal pa le b’anoj kato’ik ri puq winaqil che ri keriqitaj pa k’ax xuquje’ rech uq’atexik ri k’ax ri’ pa Iximulew. Sib’alaj xu’ij che pa le eqele’nem tzij ri’ kumal ri q’atb’al tzij rech Gobernación rech b’a’ sib’alaj kutun rib’ pa le ya’ltzijol ub’i’ Corazón Azul.
“Kub’insaq nuk’u’x wanima’ chiwe ix rumal ix ri’ kib’ano uq’atexik ri k’ax ri’”, xcha’.
Xuquje’ le Ukab’ K’amal B’e Amaq’ ri’ xub’ij che maj jun winaq achi xuquje’ ixoq aj iximulew ya’tal taj chi rech kaqaj taj pa le b’anoj k’ax ri’, sib’alaj xub’ij che maj jun winaq ya’tal taj kak’ayix b’i xuquje’ eri upatan ri Ministro rech Gobernación, Francisco Jiménez, ruk’ ri komon wokajilal rech Amaq’ Tinamit e are k’ut k’o nim upatan kichak rech kakib’an uq’atexik ri k’ax ri’ xuquje’ rech kakito’o ri taq ali, taq ala xuquje’ ri e q’apoj ab’om e q’apoj alitom, ri are k’ut ri qas kab’an ch’ijom k’ax chke pa taq le q’ij ri’.
Eri Ministro Jiménez xub’ij che ri jun k’ax qas kab’an ri’ are itzelb’exik ri winaqil ri’ xuquje’ ri b’anoj k’axk’olil pa le kik’aslemal ri winaqib’ jacha ri b’anoj ch’ij9om k’ax ri’, rumal are ke’ukoj ri winaq pa ch’ijom k’ax chak, pa kitzelb’exik kixutuxik kuwach ri winaq. “Qeta’m k’ut cheri b’anoj k’ax chke winaqil ri’ sib’alaj ujipim rib’ jacha le b’im pa le tzyoxwuj, k’a pa le Taqawokajnem ri’ kaqatunu qib’ pa le ya’ltzijol ri’ Campaña Corazón Azul, ruk’ ub’anik ri jun utz qacha’ ri’ are rech kaya’ uchuq’ab’ ri q’atenik k’ax xuquje’ ri kaq’atexik ri b’anoj k’axk’olil ri’”, xcha’.
“Eri qatunik qib’ pa le Campaña Corazón Azul are ri’ jun ya’tal q’ij chaqe rech kaqawok uwach, kaqamol qib’ pa le komonchuq’ab’ chak ri’ rech kaq’atataj ri b’anoj ch’ijom k’ax chak kitzelb’exik ri winaqil xuquje’ pa uq’atexik juntir uwach ri k’axk’olil ri’, pa le kapixb’exik kiq’alik ri winaq chi rij taq ronojel nik’aj b’anob’alil rech b’anoj ch’ijom k’ax chak ri’”, xcha’ ri Taqawokajnel rech ri Ya’olchajinem pa Amaq’.
Pa le b’anonem ri’ xkojola’xik ri nim retalil ri Corazón Azul ri’ chke ri q’atb’al tzij rech Gobernación kuk’ ri rech uq’ab’ilal, ri e are jun xkitunu kib’ pa le b’anoj taq ri k’ak’ q’alanem q’atenik ri ch’ijom k’ax chak chke ri winaqib’ pa juntir rulewal ri qatinamit.