Eri Defensoría rech ri Mujer Indígena (DEMI) xub’an jun nimachak pa le ya’ik uchuq’ab’ pa uwokajila ri’ ruk’ ujuch’ik uwach ri nuk’chomab’al taqanik rumal k’amal b’e amaq’il rech uk’exik uwach ri b’anoj ucha’ik rech ukojik ri Defensora jeri’ xuq’at ub’anik uq’ijol ri upatan ri uwokik ri Junta Coordinadora xuquje’ rech ri Consejo Consultivo. Eri chob’otaj chak ri’ are la’ rech ub’anik ri ub’anikil kachomaxik ri ya’tal chke ri  mayab’ ixoqib’ xuquje’ pa unimaxik ri Nuk’chomab’al rech Joremal Tzij.

Eri K’amal B’e Bernardo Arévalo sib’alaj xub’ij ri ukub’alik ri ya’tal chi ke mayab’ ixoqib’ man kab’antaj ta ri’ we man kek’oji ta ri are xuquje’ we man kakik’am ta uq’ab’il, rumal ri’ sib’alaj rajwaxik kek’oji pa le chomanem tzijob’enik pa ukojik. Sib’alaj xub’iij che ri nuk’chomab’al ri’ are la’ kanimaxik ri xkita loq ri wokaj e mayab’ ixoqib’, rech eri Amaq’ kukub’isaj rech kek’oji pa le chomanem pa ujikomal pa rulewal tinamit.

Xuquje’ eri K’amal B’e xub’ij che ri b’anoj k’ak’ taqanib’al ri’ are la’ nim upatan pa le k’ak’ b’anoj ukojik ri Defensora, ri are kacho’ik chke ri e oxib’ rumal ri Junta Coordinadora rech ri DEMI, man rumal taj ri K’amal B’e Amaq’. “Are kaqaj b’a’ eri defensoría are wokajil kech mayab’ ixoqib’ rech kakichakuj xuquje’ rech ketob’anik pa uq’atexik taq ri b’anoj taq k’ax xuquje’ ri itzelb’enem che ri k’o pa taq kik’olib’al ri winaqilal”, xcha’.

Eri Ministro rech Gobernación, Francisco Jiménez sib’alaj xub’ij che ri k’ak’ ub’anikil wokajilal rech ri DEMIS are rech katob’anik rech kub’an le rilik ri chak jastaq kab’an kakojik xuquje’ rech ka’ichb’ilan pa le Taqawokajil ri’ pa upatanexik ri ya’tal chke ri mayab’ ixoqib’, chi rij uq’atexik taq ri itzelb’enik xuquje’ ri q’atenik ri k’ax ri’. sib’alaj xub’ij eri uwokik ri kichak ri mayab’ tinamit pa le b’anoj ya’olchajinem are la’ jun nim tikowchuq’ab’ ruk’ pa jun nimab’alil b’anik ri’ xuquje’ xub’ij eri defensoría are ri’ qas ajchomal rech ri toq’in utz chakunem ri’.

Ruma ri’ eri Secretaria Privada rech ri Presidencia, Ana Tager, xub’ij che ri b’anoj ch’ob’otal chak ri’ are la’ kuk’utu reqa’len utzij chi rij rumal ri k’amal b’e tinamit kamik rech pa le uto’ik uwach taq ri ya’tal chke ri winaqilal e aj iximulew, pa taq ri wokajil winaqilal ri keriqitaj pa k’axk’onem. Xuquje’ sib’alaj xub’ij ch eri tzijonem chomanik kuk’ ri wokajil mayab’ ixoqib’ are ri’ ri qas kuya uchuq’ab’il ri uwokajilal ri defensoría ri’.