Are taqim k’ut uwa’lijsab’al kuwach ri ixoqib’ rech kakich’ob’ ri kipatanib’al keqele’n pa le b’anoj taqanem pa amaq’il, we kamik xb’an ri Riqob’al ib’ ub’i’ “Ri ixoqib’ pa le Servicio Civil rech ri Organismo Ejecutivo”, are la’ xchomax ub’anik rumal le Oficina Nacional del Servicio Civil (ONSEC) ri’. Eri riqob’al ib’ ri’ are qas xupatanij rech xtzijob’exik ri chak kik’aslemam uwach kumal taq le e patanelab’ rech taq le utaqawokajil le Amaq’, jeri’ rech xkitunu kichuq’ab’ rech ya’ik uwach ri jun wokom winaqilal ri kub’an junam ilob’al ib’ ri’.

Eri Viceministra rech Seguridad rech ri Ministerio rech Gobernación, Claudia Palencia, ri xopan pa le ri’ob’al ib’, chi’ k’u ri’ xub’ij le nim upatanib’al ri wa’lijsab’al kuwach le ixoqib’ pa taq le riqob’al ib’ ri’. Xuquje’ xub’ij ri utzalaj chajinem b’anom chik pa le taqanem tzij pa tinamit.

Xuquje’, eri al Palencia sib’alaj xutoq’ij ub’ixik chi ke ri ixoqib’ rech kakiraqo b’a’ ri kachik’am uwach kakib’an pa le servicio civil ri’, rumal k’ut man k’ot jun keq’atin tane’ ri’ rech kechakun ri’. “Uj k’o jun nim qapatanib’al chi ke ri winaqilal xuquje’ ri ixoqib’ ri achijab’ rech sib’alaj kaqaj uwach jun utzalaj uk’olemal tinamit ri’”, xcha’.

Rumal ri’ eri K’amal B’e rech ri ONSEC, Karla Argentina Gómez Rivera, xub’ij ub’ixik chewe riqob’al ib’ ri’ man xaq taj kuril ri kipatanib’al ri ixoqib’ rech kechakun pa taq le taqawokajil rech ri Amaq’, xane’ are rech kakiwa’lijsaj uwach ri b’anoj chakunem pa taq q’ataj b’anoj chak pa taqanem tzij ri’ pa tinamit.

Pa le riqob’al ib’ ri’ xb’antaj wi jun nim utzijob’elil “Kipatan le Ixoqib’ pa le Servicio Civil”, chi’ k’u ri’ le nan e nim patanel ri’ rech ri Ministerios rech Gobernación xuquje’ rech Chakunem xuquje’ Previsión Social xuquje’ rech le Secretaría Presidencial rech ri Ixoqib’, jeri’ le presidenta rech ri Benemérito Comité Pro Ciegos y Sordos rech Ixmulew, María de los Ángeles de Rueda, xkitzijob’ej uch’ob’ik ri k’aslemamchak pa le servicio civil ri’. xuquje’ le Subsecretaria rech ri ONSEC, Wendy Sánchez, are la’ xuya ub’ixik utzijol chi rij taq le chak b’anom pa le q’ataj b’anoj chakunem pa amaq’il.

Xuquje’ le K’amal B’e rech Investigación xuquje’ Desarrollo rech ri ONSEC, Dorothy Brown, pa reqele’n xk’oji wi rech xub’an uk’utik ri b’anonem ri’ “Jas le utzukuxik ri aq’ataj b’anoj chakunem pa le Organismo Ejectivo” ri’ xuquje’ ri Coordinador rech ri Organización Internacional rech ri Trabajo (OIT), Carlos Linares, xtzijon chi rij “Le Kitatb’enik ri ixoqib’ pa le Chakunem pa Uwachulew” ri’. Pa le k’uttijonik Empoderamiento femenino” are xk’oji pa reqele’n rajchomanel ri ONU-Mujeres, Eugenia Close ri’.