Pa k’isb’al julio, are Uq’ijol pa Uwachulew rech Q’atenik Ch’ijomk’ax chi ke Winaqib pa le xya wi ub’ixik ri nimq’atenik kib’anom ri reqa’lenel ri Sección rech Investigación rech Q’atenik Ch’ijomk’ax chi ke Winaqib’, uq’ab’ le División rech Investigación Criminal (DEIC), rech ri Wokajil Ajchajil Tinamit (PNC) are la kiq’atim chik pa enero k’a pawe q’ij kamik, chi’ k’u ri’ xq’alajinik ri winaqil e k’i e chapom chik, man je taj ruk’ 2023.
Eri q’atb’al tzij sib’alaj xkiya utzijol e k’o chik 91 chi winaqil e chapom ri’ ri xkib’an ch’ijomk’ax chi ke winaqib’, e pa junab’ri e 68 xechap ri’. E k’o ak’alab’, taq ala, taq ali xuquje’ ab’om alitom e 83 chi ke xeto’ ri’ pa je ta ri’ ruk’ ri rech junab’ir, are chi’ e 61 xeto’ik.
Xuquje’ k’o 95 chi ch’aweb’alil riqom pa taq le tzukunem, e k’o kajib’ ch’ich’ keb’inisaxik, keb’ k’aqb’alil ruk’ Q17 mil 180 chi pwaqil riqom ri’. xuquje’ xya ub’ixk chi e k’o oxib’ molaj b’anol k’ax xeq’atexik.
Pa k’isb’al rech we ik’, e k’o b’elejeb’ chi ak’alab’ xeriqitaj loq ri e kojom pa ch’ijomk’ax chak pa nimatinamit. Eri ak’alab’ xuquje’ e q’apojil are taq wa’ kijunab’ ri’, k’o waqlajuj, k’o oxlajuj, k’o kab’lajuj, k’o julajuj, b’elejeb’ waqib’ kijunab’ ri’ xuquje’ e k’o rech julajuj ik’ e alaxinaq ri’. eri Viceministro rech ri Ministerio rech Gobernación, Werner Ovalle, xuya ub’ixik chi k’o 112 por ciento ri q’atim chik uwach ri jun k’axk’olil ri’. “Xya’taj kichuq’ab’ ri wokajilal rech ajchajin tinamit xuquje’ ri Viceministerio rech Q’ateb’al ri K’ax ri’, rech sib’alaj kakowon che uq’atexik taq ri molaj b’anol k’ax chi ke ri ak’alab’, taq ala, taq ali xuquje’ e q’apojil”.
Eri nimpatanel ri’ xumaltyoxij chi ke rajchomanelab’ ri Agencia Internacional rech Asuntos Antinarcóticos xuquje’ rech Unimaxjik Taqanem Tzij (INL), rech ri Embajada rech Estados Unidos pa Iximulew, ri e xetob’anik ruk’ uchakunik ri keb’ oficinas xuquje’ ruk’ ri k’uttijojnem chi ke uwokajillal ri e ajchajin tinamit rech tzukunenem xuquje’ rech tob’anik chi ke le winaq kiriqom k’ax. Are wa’ rech taqim uq’atexik ri b’anoj Ch’ijomk’ax chi ke Winaqib’, xcha’ le Ovalle.
Xuquje’ eri reqa’lenelab’ Upatan ri Sección rech Investigación rech Q’atenem Ch’ijomk’ax chi ke Winaqib’, rech ri División rech Investigación Criminal (DEIC), rech ri PNC, pa k’isb’al q’ijr ech julio ri’ xkichap loq nik’aj winaq ri’ a Mario Daniel Contreras López xuquje’ a Alberto Enrique Carrera Bustamante, pa Balcones de las Charcas, zona 11, xuquje’ pa San Miguel, Petapa, Iximulew, are rumal xkriqitaj jastaqil chakub’al rech pornográfico chi ke ak’alab’ kuk’. Ruk’ taq ch’aweb’alil ruk’ tob’chakub’al ri’.