Kamik xkimaj ub’anik upatanexik ri nim chajinem rech ri Plan Operativo 35-2024 “Rech Nimaq’ij Agostinas” ri’ rech utaqim kachajixik kato’ik ri kik’aslemalil ri winaqib’, ri kijastaq meb’il ri e 70 mil chi winaqib’ salvadoreños ri ch’ob’om chik, kepe pa wa’katem pa le uxlanib’al q’ij kaya chi ke pa katinamit rech b’a’ pa ki’kotem kakitijo ri jastaq k’o pa qatinamit ri’ xuquje’ rech ke’opan pa wa’katem pa taq ri k’olib’al uxlanib’al che ri k’o pa Iximulew. Eri cholchak rech chajinem ri’ are la’ uwach unimaxik ri Plan Centinela che ri tajin ub’anik rumal ri Taqawokajnem rech ri Ya’olchajinik pa tinamit xuquje’ rech kek’oji pa taq ri k’olib’al che ri rajwaxik wi.
Pa taq le k’ulb’a’til, pa taq nimab’e che ri qas ke’ok’ow wi winaq naj kapetik xuquje’ chi la’ pa taq le k’olib’alil che ri qas kakiriqo wi kib’ e k’ilaj taq winaqib’ jacha ri kepe naj kuk’ ri winaq e rech ri qatinamit rumal ri’ xtaq ub’anik ri puqchajinem kumal ri Wokajil Ajchajil Tinamit (PNC) rech kakito’o ri winaqib’ e ajwa’katel ch’ab’enel are chi’ ke’opan loq pa qatinamit. Xuquje’ k’o ri chajinem kab’an pa taq ri kiwa’kateb’al pa taq le juyub’, siwan, tinamit ri’ rech b’a’ sib’alaj e chajital pa rulewal tinamit ri’, pa taq le q’ij rech ri uxlanib’alil.
Eri uwach ub’antajil ri cholchajinem are katajin pa taq le k’olib’al chajinik xtaq ub’anik pa taq le nimab’e xuquje’ pa taq rulewal le tinamit. Eri wokajil chajil tinamit ri’ kechajinik kesilon kiwach ri winaq e wa’katelab’ ri’ rech kakilo we man k’ot jun chi ke taqom tane’ kichapik xuquje’ rech kilik we k’o ri kiwujilal keqam rech pa saqil kek’oji kewa’kat pa qatinamit. Eri puqchajinem kumal ri ajchajil tinamit are la’ rech kakinimaj ri taqonatzij, xuquje’ rech kanimax ri kib’antajil ri ya’tal chi ke ri winaqib’ ri’.
Rumal k’ut sib’alaj rajwaxik e chajim ri e wa’katelab’ keq’aik rech kilik we man k’ot awan jastaq keqam loq, we man katijom ta tzam xuquje’ kunab’al rech q’ab’arisanik. Xuquje’ rech kaya ub’ixik ucholajil ri rajwaxik chi ke kakita ucholaj, rech kilik we man katulij taq ri kich’ich’ kib’inisam ri’ pa le kib’ik pa taq le k’olib’al uxlanb’alil rech qatinamit.
Eri wokajil ajchajil tinamit xuquje’ xkisolij kiwujil kitzijol ri winaqib’ ri’ xuquje’ xkib’inisaj ub’anik ri chajinem pa taq le k’ulb’a’t juyub’ chi kuxo’l ri keb’ taq nimatinamit ri’, rech kaq’atexik ri winaqil e ajpetel ri’ rech kilik we keqam kiwujilal rajwaxik xuquje’ rech keq’atexik ri e ajb’anol k’ax ri kanimajim kib’ che ri q’atb’al tzij salvadoreña rech kakaj kakiwajo kib’ tane’ pa rulewal qatinamit ri’.
Ruk’ ri b’anoj unimaxik ri b’anon chajinem ri taqom ub’anik rumal ri Wokom K’amal B’e rech Iximulew ri’ pa le reqele’n ri Ministerio rech Gobernación (Mingob) rech kakikub’isaj ub’anik ri jun utzalaj kachajixik ri winaqib’ e ajpetel pa taq le q’ij ri’ pa tinamit ri’.
Rumal ri’ ya’tal le 110 rech ri PNC chi paq’ij chi chaq’ab’ kechajin chi ke ri winaqilal ri’ rech kakiq’atij ri b’anoj taq k’ax ri’.