Ri chakunem b’anom kumal reqa’lenel taq ri comisarías kuk’ ri rech taq ri unidades especializadas rech ri Wokajil Ajchajil Tinamit (PNC) rech kaq’atexik kib’e ri e ajb’anol k’ax che ri kakaj keq’ax loq pa rulewal tinamit Iximulew xuquje’ rech uq’atexik taq ri molaj b’anol k’ax pa taq nimatinamit, rumal ri’ e k’o chik 57 chi pandilleros salvadoreños e itzelalaj b’anoj k’ax e chapom chik pa le junab’ ri’. Pa konojel k’ut, e k’o 39 chi b’anol k’ax e chapom e jachom b’i pa kaq’ab’ ri q’atb’al tzij rech katinamit e petinaq wiri’ xuquje’ e k’o 18 keriqitaj pa japache’ rumal xkib’an k’ax pa rulewal qatinamit.
Eri k’isb’al pandillera salvadoreña che ri xchap b’i ri are ub’i’ al Marisela de Jesús Olivares Villatoro, 49 ujunab’, ri q’ab’em ub’i’ “La Sureña”, ri xriq loq kumal rajtzukunelab’ ri Centro Antipandillas Transnacional (CAT) rech ri PNC pa jun albergue kik’olib’al rech ri Instituto Guatemalteco rech Migración (IGM), k’o pa zona 5 rech ri uk’u’x nimatinamit. Eri al Olivares Villatoro ri’ are uwinaqil ri jun molaj b’anol k’ax ub’i’ clica “Hempstead Locos Salvatrucha” rech ri Mara Salvatrucha che ri kakib’an ri k’ax pa achtinamit centroamericano ri’.
Ri al Marisela Olivares xtaq loq uchapik ruma ri q’atb’al tzij salvadoreña pa le ub’ixik pa le Alerta Roja Internacional ri’ xuquje’ keb’ mul chik taqom uchapik ri’ rumal ri itzelalaj b’anoj k’ax xub’an ri’, pa taq le 14 rech octubre rech 2021 xuquje’ pa 26 rech enero rech 2022 xuquje’ rumal molaj b’anoj k’ax, pa enero rech 2009 ri’.
Are chi’ xriqitajik, eri wokajil ajchajil tinamit xkichapo xkik’am b’i pa le rachoch ri Migración k’o pa le kuxo’l k’ub’a’til ri keb’ amaq’ nimatinamit ri’ rech xjach b’i pa uq’ab’ q’atb’al tzij rech utinamit salvadoreña ri’. Sib’alaj k’o nim upatan kaya ub’ixik utzijo ri’ che ri jun q’ab’em ub’i’ “La Sureña” are sib’alaj itzelalaj winaq k’o pa le mara b’anoj k’ax pa El Salvador, kab’ixik are e releq’am winaq xuquje’ e uchapom e uyutum ruk’.
Rumal ri’ pa kemonchak xtaq uchapik kumal ri taqanelab’ q’atb’al tij rech ri ke’ amaq’il nimatinamit ri’ rech xkichap b’i rumal xuwajo rib’. Xuquje’ eri kemonchak ri’ are k’o nim upatanibal pa le b’anoj ya’olchajinem pa rulewalil taq tinamit.