Pa le Escuela Centroamericana rech Entrenamiento Canino (ECEC), k’o pa le aldea El Cerinal, Barberena, Santa Rosa, chi la’ k’ut xjaq wi uwach, kamik, ri Nab’e Uwach Tijonem chi rij Uch’ob’ik Uriqik ri Fentanilo ya’tal chi ke e Ajk’amal B’e xuquje’ Tz’i’ e Ajtzukunel. Eri tijonem ri’ ya’tal chi ke rqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), jeri’ kumal ri wokaj ajchajinelab0 tinamit rech Honduras, Costa Rica xuquje’ El Salvador.
Eri Subdirector General Antinarcótico rech ri PNC, Wuilber Arreaga, pa reqele’n xub’an ri jaqib’al uwach tijonem ri’, pa le xub’ij wi ri upatanib’al ri k’o we jun tijonem ri’ rumal are kutaqij uya’ik uchuq’ab’ ri b’anoj chajinem kumal ri e ajchajil tinamit xuquje’ rech ketijoxik ri tz’i’ rech kakich’ob’ uriqik ri Fentanilo. Rumal ri’ sib’alaj xub’ij chi k’o nim upatanib’al ri chak kumal ri wokajil ajchajil tinamit rech uq’atexik ri narcotráfico xuquje’ ri molaj b’anol k’ax pa taq le nimatinamit uwachulew.
Rumal ri’ eri K’amal B’e rech ri EFEC, Merson Orozco, xub’ij eri tijonem ri’ are la’ ya’tal kumal e ajtijoxel xkitijoj kib’ pa Estados Unidos rech América xuquje’ xub’ij eri fentanil0 ri’ are la’ tajin ukojik pa awalik kumal molaj b’anol k’ax rech ri narcotráfico. Xuquje’, xub’ij chi ri ajchajinel e ajtijoxel rech kakijipij uwach reta’maxik wari’ kuk’ ri reqa’lenel ri wokajil ajchajil tiamit rech taq katinamit ri keriqitaj chi’ xuquje’ rech kaya’ uchuq’ab’ ri chajinem pa kulewal taq nimatinamit.
Pa 26 q’ij ri’, eri reqa’leenl antinarcóticos kaya’taj ri’ jun utzalaj katijoxik rech ub’anik ri kichak solinik pa taq ri nimaja xuquje’ pa taq xik’ach’ich’ rech uriqik awan jastaq, xuquje’ rech kab’an uq’atexik taq ri narcoactividad ri’. Jeri’, eri tz’i’ e ajtzukunel ketijoxik rech kakitzukuj kakiriqo ri fentanilo ri’, ruk’ kitza’m kakisiqo uxlab’ ri awan kunab’alil, rech kakich’ob’ uwach le awan jastaq rech kakich’ak utz jastaq rech kakitijo ri kuya le kajk’amal kib’e ri’.
Eri kemonchakunem kumal ri wokajil ajchajinel rech taq le nimatinamit man xaq ta ri’ rech ketob’anik chi kuwach le nimatinamit, xane’ are rech kakib’an kemonchak rech uq’atexik ri narcotráfico xuquje’ ri molaj b’anol k’ax pa rulewal taq le nimatinamit.