Rumal xtaq ub’anik chi chajinem q’atenik kumal ri q’atb’al tzij rech ri Ministerio rech Gobernación xuquje’ rech kataqixik ri b’anoj chajinem pa rachoch ri japache’ rech ri amaq’il, rumal ri’ eri reqa’lenel ri jalajoj taq uchakuja ri Wokajil Ajchajil Tinamit (PNC) xuquje’ kumal reqa’lenel ri Sistema Penitenciario ri’ (SP) rech xkib’an iwir jun nim solinem tzukunik pa kitz’apib’al achijab’ xuquje’ pa kitz’apib’al ixoqib’ rech Los Jocotes, Zacapa ri’. Pa le jun tzukunem solinik ri’ xriq wuqub’ chi ch’aweb’alil, 23 chi chips, 33 chi ya’b’al uq’aq’nil ch’aweb’alil, 27 chi xkinib’al uqul q’axeb’al tzij, 39 chi puch’b’al qupib’al, jun aq’ansab’al uqulaj tzij, jun memoria USB xuquje’ ruk’ kib’i’ rajilab’al ch’aweb’al tz’ib’am pa wuj ri’.
Xkijunumisaj ub’anik ri q’atenik, ri rajtzukunelab’ ri División Nacional rech Kaq’atexik taq ri Pandillas (DIPANDA) ri’ xkipatenij ub’anik ri cholchak Murallas Fortalecidas pa le okib’al pa le rachoch kitz’apib’al achijab’ rech Cobán, Alta Verapaz, chi la’ k’ut xkisolij wi ri winaqil che ri ke’opan pa kach’ab’exik ri winaq e tz’apilik xuquje’ rech xkiq’atij rok’owik chi’ ri jastaq rech kamisab’al ri’.
Eri q’atb’al tzij rech ri Subdirección General rech Investigación Criminal (SGIC) xkinab’ej ub’ixik utzijol chi k’o 100 b’anoj solinem tzukunik b’anom ri’ pa enero loq k’a pawe q’ij kamik.