Pa le puqchajinem q’atenik xb’an kumal reqa’lenel ri Departamento rech Tránsito rech ri Wokajil Ajchajil Tinamit (DT-PNC), che ri keq’ax wi e k’i taq ch’ich’ pa Iximulew ri’ chi la’ xb’an wi puqchajinem rech xq’atexik ri solkopin ib’ kumal ri b’insam ch’ich’ xuquje’ rech keq’atexik ri kakib’an awan opanriqonem pa le nimab’e ri’.
Pa le k’isb’al uwach wuqq’ij kanoq sib’alaj xb’an ri chajinem q’atenik pa taq le nimab’e Interamericana ri’, rech xeq’ateik ri e ajb’insal ch’ich’ rech xilik we keqam kiwujilal rech ri b’insan ch’ich’ ri’. Pa le puqchajinem ri’ eri reqa’lenel ri Tránsito ri’ xukoj tojb’al chi ke e 116 e ajb’insal ch’ich’ rumal kakinimaj uq’ij utzij ri Taqanem rech Tránsito xuquje’ rumal xkinimaj taq ri’.
Eri kimak ri e ajb’insal taq ch’ich’, kejach’ich’ are rumal keqam ta kiwujil rech b’insan ch’ich’, rumal utz reqaxik ri placas rech kich’ich’ ri’, rumal kiya’m uwi uqul ri kel wi kisib’al, ruk’ nik’aj paqsib’an uqul ri’, xuquje’ rumal keqam ta le placas ri’.
Eri e ajb’insal ch’ich’ rech alilaj taq nimach’ich’ rech eqa’n jastaq, ri rech ereb’al winaq pa taq tinamit, xkoj ri tojb’al chi ke rumal jarinaq chik kaqan ri ch’ich’ kib’insan xuquje’ rumal keqam kiwujilal ok’owinaq chik uq’ij rech kakikoj tane’.
Eri puqchajinem ri’ are la’ pa komonchak xb’an kumal reqa’lenel ri Dirección General rech Protección xuquje’ Seguridad Vial (PROVIAL) xuquje’ kumal ri Policía Municipal rech Tránsito rech Patzicía, Chimaltenango ri’. Eri nimatob’anik pa taqawokajilal ri’ are la rech kub’an upatan uq’atexik rech kakiriq ta chik k’ax pa le nimab’e xuquje’ rech kab’an kub’al k’u’x chajinem pa le nimab’e pa taq le jalajoj nimab’e rech rulewal ri nimatinamit Amaq’.