Eri reqa’lenel rech ri Departamento rech Tránsito rech ri Wokajil Ajchajil Tinamit (DTPNC) sib’alaj xkib’an nimalaj puqchajinem q’atenik pa taq nimab’e pa tinamit rech kaq’atexik nik’aj kiwam kib’ kakib’an opanriqonem pa taq ri ch’ich’, kejach’ich’ ri’, rumal e are kakiya q’oxomal chi kech ri winaqil kewa’katik pa nimab’e ri’.
Iwir xeq’atexik nik’aj ch’ich’ ri’ rech xe’ok ta chik pa rokib’al jun gasolinera k’o pa le bulevard Los Próceres, zona 10 ri’, rech kakib’an ri b’anoj etz’anem opanriqponem ri k’o q’atb’al tzij chi rij. Xuquje’ eri e ajchajil tinamit xkib’an k’i b’inisam uwach chajinem pa taq ch’ich’ xuquje’ k’o ri xek’oji wiri’ rech xkisolij we tajin unimaxik jacha le taqom rumal le Taqnem rech Tránsito ri’.
Eri b’anoj chajinem ri’ are la’ xb’antajil pa kemonchak kuk’ ri reqa’lenel ri Rajchajinel Q’atb’al Tzij rech Tránsito (PMT) rech ri nimatinamit Iximulew xuquje’ kumal reqa’lenel ri Dirección General rech Protección xuquje’ Seguridad Vial (PROVIAL) pa taq q’ij kajb’al rech kaq’atexik ri tak’min winaq pa tinamit.
Eri wokajil ajchajil tinamit sib’alaj xechajin xeq’atenik pa le bulevar Los Próceres, Las Américas, pa le Aeropuerto Internacional La Aurora (AILA), pa le Mercado rech Artesanías, pa le calzada Atanasio Tzul xuquje’ pa le Avenida Petapa, xuquje’ pa taq nik’aj chik nimab’e rech pa le nimatinamit ri’.