Pa le wuqq’ij ri’, eri reqa’lenel le Nimawokajil Ajchajinelab’ e Ajq’atenel taq ri Pandillas (DIPANDA), rech ri Wokajil Ajchinel Tinamit (PNC), xkiya utzijol ub’ixik che xriqitaj 296 ub’aq’ k’aqb’alil pa Alta Verapaz, pa le q’atenik b’anoj k’ax kamisanik ri’.
Rumal ri’, eri q’atb’al tzij rech DIPANDA xkiya ub’ixik utzijol che pa taq le q’ij q’ij ri’ xkiriq keb’ k’aqb’al, jun k’aqb’al nim raqan, job’ yab’al q’aq’ ch’aweb’al, 21 chi ch’aweb’al, oxib’ chi ch’ich’ ruk’ keb’ kejach’ich’ xriqitaj loq kumal; jeri’ ruk’ 63 chi taq k’olib’al rech marihuana, 14 k’olib’al rilik ware’aj ruk’ cocaína, keb’ q’axeb’al ch’aweb’al xuquje ruk’ jun tob’ab’al ij (chaleco). Xuquje’ xb’an oxib’ tzukunem pa kachoch winaq xuquje’ xb’an oxib’ tzukunik pache’ tz’apib’al. Juntir wa’, pa jalajoj taq rulewal le nimatinamit.
Sib’alaj rajawaxik kaqaya’o ub’ixik che rajeqa’lenel ri DIPANDA ketajin che utern’exik uq’atexik ri toq’inik pwaq kumal ri pandillas rech ri Barrio 18, kuk’ ri kawinaqil Mara Salvatrucha, ri tajiin kakib’an k’ax chi kech e ajk’ayinelab’ rech nimatinamit.
Eri tzukunem q’atenik ri’ sib’alaj katjaini rech kechapik nik’aj e b’anol k’ax kamisanik chi kech ri winaqilale aj iximulew. Rumal ri’, k’o le 110 rech PNC ri’ are rech chi la’ jachin karaj kuya wi loq ub’ixik utzijol ri k’ax kab’anik.