Pa le kilómetro 69.5 nimab’e CA9 Sur, pa okib’al le aldea Los Lirios, Masagua, Escuintla, eri reqa’lenel ri Comisaría 31 uq’ab’ ri Subdirección General rech Operaciones (SGO) rech ri Wokajil Ajchajil Tinamit (PNC) xkichap e waqib’ elaq’omab’ ketajin che releq’axik ri jun kaxonach’ich’ ri’.
Eri reqa’lene ri PNC xkichap loq a Christopher Chávez, 28 ujunab’; a Mario Noé Juárez Vásuez, 49 ujunab’; a Héctor Mauricio Oxal, 40 ujunab’; a William Leonel Cruz Pérez, 20 ujunab’, are chi’ xechapik xek’am b’i pa q’atb’al tzij chi rij ri xkeleq’aj ri’. xuquje’ e k’o keb’ ab’om jun 16 ujunab’ ri jun chik 17 ujunab’ xek’am b’i pa Q’atb’al Tzij rech Escuintla ri’ rumal e uwinaqil ri jun molaj b’anol k’ax.
Eri q’atenik ri’ are tajin uterne’xik rij rumal xkib’ij loq ri winaqil chi kech ri q’atb’al tzij ri’ che k’o jun jalom nimach’ich’ kaq rij, ruk’ ri placas C-126BLM uchararim jun kaxonach’ich’ ruk’ utaretal TC -91CLW, ri kab’ixik ri k’o rajchoq’e ri xkeleq’aj pa le nimab’e Paín-Escuintla, ri kab’ixik xriq chi la’.
K’a pa le q’ij ri’ ri chak b’anom kumal le PNC ya’ol uchuq’ab’ kumal le ajtzukno’k ri’ ri ketajin che b’anoj k’uttijonem chirij uq’atexik ri molajil b’anol k’ax chi ke ri utzalaj taq winaqil e aj iximulew. Rumal ri’ ya’tal le 110 rech ri Wokaj Ajchajil Tinamit rech chi upam kakib’ij wi loq le winaqil ri k’ax kakilo kab’anik.