Sib’alaj xmajtaj nimachajinem chi rij le Hospital Roosevelt, zona 11 rech nimatinamit. Are wa’ nimachomaxik ub’anik kumal ri q’atb’al tzij rech ri Ministerio rech Gobernación (MINGOB) ri xe’opan paq’ij kamik, rech xkisolij ri chajinem tajin kumal ri Wokajil Ajchajil Tinamit (PNC) chi la’ k’ut.
Are xuk’am ub’e ri chajinem chi la’ are le Viceministra rech Seguridad, Claudia Palencia xuquje’ rumal ri Director General rech ri wokaj ajchajil tinamit, David Custodio Boteo ri’.
Eri b’anoj chajinem kumal ri wokaj achajil tinamit ri’ are rech utaqim kachajxik ri e ajkunanelab’ xuquje’ ri winaqilal che ri ke’opan chi la’ pa le rachoch kunanib’al winaq ri’. Eri b’anoj chajinem kumal ri e ajchajil tinamit are uwach ri komonchak xub’an le MINGOB kuk’ ri rech Salud Pública xuquje’ Asistencia Social (MSPAS).
Eri b’anoj chajinem chi rij kejach’ich’ chi la’ jeri’ pa taq le nimatinamit. xuquje’ ruk’ katob’anik le Binomio K-9 rech ri División rech Investigación xuquje’ Desactivación rech Armas xuquje’ Explosivos (DIDAE) rech ri PNC, ri xkib’an nimasolinem chi rij taq chi la’ rech xtzukux jastaq awan kunab’al ri’.
Eri Viceministra Palencia xub’ij che ri solinem katajin pa amaq’el are la’ uwach ri chajinem kumal ri wokaj e ajchajil tinamit chi la’ pa le nimrachoch kunanib’al winaq, rech taqim ub’anik ri chajinem pa amaq’el ri’, xuquje’ rech kachajixik ri e ajchak e ajkunanel xuquje’ ri e yawab’ chi la’.
Eri K’ama B’e Custodio Boteo xub’ij che pa amaq’el tajin ub’anik ri chajinem kumal e ajchajil tinamit chi la’, chi rij, chi upam le rachoch kunanib’al winaq. “Rech kasolixik kitzijol ri winaqilab’ xuquje’ ri ch’ich’ rech kaq’atexik ri jastaq awan kunab’al ruk’ ri b’anoj k’ax chi kech ri e ajkunanel, ri e yawab’ xuquje’ chi kech ri kachalal”, xcha’.
Are la’ uwach ri komonchomanik kumal ri q’atb’al tzij rech ri Taqawokaj Ya’olchajinem pa Amaq’ ruk’ ri rech Utzwachil Winaqib’, ruk’ le Viceministra Palencia, kuk’ Rajk’amal Kib’e ri PNC xuquje’ kuk’ ri rech Sistema Penitenciario (SP) ri’, rech xemolinik pa chomanem kuk’ rajchomanelab’ ri Asamblea rech Médicos Internistas rech ri Hospital Roosevelt. Pa le chomanem ri’, are xchomaxik jalajoj taq uwach runimal tzij, jacha ri kaq’axexik ri e tz’apil pahe’ ri’ ruk’ ri korlim ya’olchajinem kumal ri e ajchajil tinamit keriqitaj chi’.
Eri Viceministra Palencia xub’ij, eri b’anon chajinem ri’ are pa amaq’elil xuquje’ ruk’ ri komon chomanem are kakiwok uwach ri kaq’axexik ri winaq e tz’apilik pa taq le hospital. Rumal ri’ xub’ij sib’alaj terne’m ri rzukunem chi rij wari’ xuquje’ are katerne’x ri b’iw b’ixik loq kumal ri winaqib’.
Eri Director Ejecutivo rech ri Hospital Roosevelt, Luis Chávez sib’alaj xub’ij eri to’’anik kiya’om ri q’atb’al tzij rech ri Chajinem pa Amaq’ are la’ kuya uchuq’ab’il kachajixik ri winaqilal e rajchak rachoch kunanib’al yawab’ ri’ chi la’. Rumal ri eri Chávez xub’ij chi kech ri e ajkunanelab’ rech kakeqaj b’a’ le kiwuj rech kichak ya’om chi kech xuquje’ xuya ub’ixik chi kech ri wnaqilal rech chakeqaj b’a’ kiwujilal rech kakik’utu are chi’ ke’ok chi la’.