Eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkichap jun achi 43 ujunab’ ri’ pa jun tzukunem xkib’an kamik pa le kilómetro 88.7 nimab’e kab’e le Verapaces ri’, are chi’ xterne’xik rumal k’o jun winaq xuya loq ub’ixik.
Eri jun winaq xchapik kab’ixik are a Wilber Arnoldo Cabrera Franco, ri are winaq ajb’inisaxel b’enaq pa le ch’ich’ kek’uk’am b’i winaqil pa tinamit xuquje’ are kab’ixik reqam b’i awan kunab’al uwam b’i pa jun k’olib’al uchiyim b’i. xuquje’ xriq jun k’aqn’alil ruk’, oxib’ chi tolvas xuquje’ 48 ub’aq’ k’aqb’al utz kakojik.
Eri wokajil ajchajil tinamit ri’ pa komonchak ruk’ taq ri q’atol tzij rech ri Ministerio Público ri’ xkib’an retaxk uwach ri awan kunab’al xriqitaj ri’, rumal ri’ xq’alajinik ri che are ri cocaína ri’. Eri nik’aj awan kunab’al eri rajil are Q100 mil chi pwaqil ri’.
Eri PNC xub’ij, eri Wilber Cabrera ub’ik ri are pa le aldea El Rancho, El Progreso, pa Cobán, Alta Verapaz ri’. are chi’ xb’an le uterne’xik ri b’iw ub’ixik rumal jun winaq ri’ pa le línea Antinarcótica 1577 ri’. Rumal ri’ eri tzukunik chi rij ri’ are rech xuq’alajisaj uwach ri jun chomanem ri’.