Le e ajtijoxel rech nimatijob’al kuk’ ri e ajb’insal nimach’ich’ rech ereb’al winaq ri’ xek’oji pa le nimatzijob’el chi rij Kitzijol Winaqib’ e Kaminaq pa Nimab’e (CONVIT), ri wokom ub’anik rumal ri Sección rech Educación Vial rech ri  Departamento rech Tránsito rech ri Wokajil Ajchajil Tinamit (DT-PNC), rech ub’anik ri jun k’amansan ub’anik ri seguridad vial xuquje’ rech utzalaj uq’atexik uriqik k’ax pa nimab’e pa Chinab’jul.

Pa le nab’e q’ij, e k’o 120 chi e ajtijoxel rech ri Universidad Da Vince xetijoxik chi rij uk’utik sachib’al kijolom e ajb’inisal ch’ich’, jacha le ukojik ri ch’aweb’al xuquje’ we katijom tzam kakib’inisal ri ch’ich’ ri’. Xuquje’ chi rij uriqik k’ax we kek’oji pa awan etz’enemb’al opanriqonem xuquje’ we k’o tojb’al kakoj chi kij rumal we kakinimaj ta utzij ti Taqanem rech Retal K’utb’e ruk’ ri Retab’anoj.

Pa le ukab’ q’ijol tijonem, ei e ajb’insal nimach’ich’ sib’alaj xetijoxik chi rij ri upatan kub’ano we kakinimaj tzij kakirumumij kich’ich’, we e qab’arinaq taj kakib’inisaj kich’ich’, we kakinimaj ub’anik utzil chi ke ri e ajb’inisaxel xuquje’ ri utz ub’anik ri kichak kakib’ano, jeri’ chi rij le tojb’al kakoj chi ke ri kakinimaj taq ri taqonatzij rech retal k’utb’e.

Xuquje’ xb’an le jun Feria Vial pa le Colegio Americano, chi la’ k’ut eri e ajtijoxel rech nab’e taq q’a’ttijonem xek’oji pa le jalajoj taq etz’anemb’al eta’manik, jacha ri etz’anem rech uk’olik rilik, rech b’anoj wiqon achib’al, retz’exik ximoj pa jolomaj rech na’tib’alil.  Are wa’ xub’an chi ke ri taq ak’alab’, taq ala, taq ali rech xkich’ob’ rilik ri retalil k’utb’e, rech uch’ob’ik rilik ri ch’ich’ keb’inik pa nimab’e pa tinamit. Chi rij wari’ xetob’anik ri Servidores Públicos xuquje’ ri Policía Municipal rech Tránsito (PMT) rech Chinab’jul.

Eri wokajil ajchajil tinamit rech Tránsito ri’ pa k’isb’al wuqq’ij ri’ xkib’an jalajoj taq puqchajinem pa le nimab’e rech q’atenik riqon k’ax. Eri ub’e’al cholchak ri’ are xtaq ub’anik rumal ri q’atb’al tzij rech ri Ministerio rech Gobernación (Mingob) ri’, rech xkiq’atij ri riqon k’ax kumal ri winaqil pa taq le nimab’e che ri qas keq’ax wi konojel winaq pa rulewal tinamit ri’.