Paq’ij kamik eri Wokajil Ajchajil Tinamit (PNC) k’o chik jun k’ak’ utzalaj tob’chakub’al rech kakikoj ri e ajchajil tinamit pa le kaq’atexik ri e ajb’anol k’ax ri’ xuquje’rech kakito’ ri winaqil pa tinamit.

Eri Registro rech Actividad Policial (RAP), are jun k’ak’ chakunem chik kakib’an ri PNC pa le kato’ik ri winaqilal ri’, rech kakib’an uchomaxik ri b’iw b’ixik loq kumal ruk’ le sik’inik kakib’an loq.

Le RAP ri’ are kakoj pa ronojel taq ri subestaciones, delegaciones xuquje’ pa le keriqitaj wi ri PNC pa ronojel taq tinamit, rech b’a’ kataqix uchomaxik ri b’iw b’ixik pa le 110, chi rij ri b’iw b’ixik loq kumal ri winaqil ri’.

Eri chakunem ri’ are karetaj rilik le chak kakib’an ri e ajchajil tinamit ruk’ ri chakub’al kakikoj pa le chajinem tzukunik, ri pa kajilab’al ri e ajchajil pa jujun taq kawokajil, rech nik’pa’ q’ij kumaj ri uchomaxik kumal xuquje’ ruk’ nik’aj choman tzijol kakib’an pa wokajilal ri’, rech b’a’ ronojel ri tzijol ri’ kakanaj pa le nuk’ulem rech tzijol, xcha’ le Ministro rech Gobernación, Francisco Jiménez.

Pa le ilib’anik rech ukojik ri RAP ri’ xek’oji, ruk’ le Ministro Jiménez, le Viceministro rech  Tecnología, William Cameros; le Director General rech ri PNC, David Custodio Boteo, xuquje’ ri Directora rech ri Sección rech Asuntos Antinarcóticos xuquje’ Kojob’al rech ri Taqonem INL rech ri Nimawokom K’amal b’e Amaq’ rech Estados Unidos rech América (are ub’i’ pa inglés tzij ch’ab’al), Kelly Hapka, ri xb’an wari’ kamik pa le nimariqob’al ib’ rech ri Direccón General rech ri PNC.

Xuquje’ xek’oji ri rajtaqo’n chomanel ri Coordinadora Nacional rech ri Q’atenem K’axk’olil  (CONRED), ri ukab’ taq k’amal b’e, ri taqonel rech taq distritos, rech ri Ajchajin tinamit rech  Colombia xuquje’ ruk’ ri rajpatanel ri Wokajil Taqanib’al rech ri Amaq’ Nimatinamit.

Rumal ri’, eri Ministro rech Gobernación, Francisco Jiménez xub’ij che ri chajinem winaqilal are la’ jun nimachak tajin ub’anik rumal ri are pa le reqele’n chajinem pa tinamit. Eri RAP are kucholajisaj ri rajilab’al taq tzijol rech kuq’axe’j utzijol chi ke ri winaqil pa tinamit. Xuquje’ ruk’ wa’ kaya uchuq’ab’ ri b’anoj chajiem pa aninaqil rech kaq’atexik taq ri b’anol k’ax, jeri’ kutoq’ij rech k’o utzijob’el ib’ chi kuwach taq ri subestaciones rech k’o jun utz pa aninaqil ilonem kakib’ano.

Eri Director General rech ri PNC, David Custodio Boteo, xub’ij che ri jun uwach ilob’al ri’ are k’o jun nim ya’el tzijol kub’ano xuquje’ chi rij ri rech chajinem ri’, ruk’ ronojel kab’an pa usaqilal ri’ rumal le wokajilal. “Are wa’ jun q’alajijsanem kub’an ri kichak ri q’atb’al tzij rech taq taqawokajil xuquje’ kuk’ ri rech ajchajil tinamit rech ya’ik uchuq’ab’ ri chajinem kab’an pa kawokajilal ri comisarías”, sib’alaj xcha’.

Eri RAP-PNC are xwok ub’anik maltyox che ri utob’anik ri INL xuquje’ chi re le ingeniero Luis Fernando Figueroa ri xb’anowik, rumal ajeta’manel rech Utzijol ri INL, are k’ut xub’an ukojik pa ronojel taq ri comisarias rech ri wokajil chajin tinamit.

Rumal ri’, eri directora rech INL, Kelly Hapka, xuya ub’ixik che k’o chik 21 millones chi b’iw ub’ixik loq pa le 110, are la’ kuq’alajisaj che ri winaqilal sib’alaj ketajin che b’iw ub’ixik loq utzijol ri b’anoj taq k’ax, rumal ri’ k’o 1.8 chi puqchajinem ri utz b’anom ri’, are la’ jun kilonik kib’anom ri’ le PNC.