Eri winaqilal rech Chinab’jul xkiya kanima’ che uterne’xik ri jun b’anonem rech q’alanem q’atenik, tijonem xuquje’ chajinik rech k’utb’e pa rachoch ri tijob’al ri’, pa taq nimatijob’al, pa taq wokajilal xuquje’ pa taq kemon winaqilal rech taq tinamit rech kakipixb’ej ri winaqil e jaqal chi la’ k’ut rech utzijob’exik chi ke ri upatanib’al qas kab’an le unimaxik ri’ rech jeri’ ketob’anik pa le q’atenik k’ax pa le nimab’e pa kulewal tinamit le’.
E k’o e k’i e ajtijoxel, e ajb’insal ch’ich’ rech erelwinaq pa tinamit, kuk’ ri taxistas xuquje’ ri ajchajil amaq’il tinamit xek’oji pa le Nimtzijonem Kachomaxik ri Winaqib’ ri Kiriqom k’ax pa taq le Nimab’e (CONVIT), ri xwok ub’anik pa le uwach wuqq’ij ri’ rumal le Sección rech Educación Vial rech ri Departamento rech Tránsito rech ri Wokajil Ajchajil Tinamit (DT-PNC), ruk’ ri utob’anik ri Departamento rech Tránsito (PMT) xuquje’ rajtaqanel ri rech chakuja ri’.
Pa le tzijob’el chomane, eri xek’oji chi’ xkinimarsaj uwach keta’mab’al chi rij ri k’ax tojb’al kakiriqo we keriqitajik kitijom tzam xuquje’ awan kunab’alil chi kij, chi rij k’ax rech sachib’al kajolom winaq kakib’an ri’, we kakisako winaq pa taq le nimab’e, xuquje’ we kek’oji pa le awam etz’anem opanriqonem ri’, rumal ri’ sib’alaj rajawaxik kanimax ronojel retal k’utub’al pa taq nimab’e xuquje’ rech kakirumumij kib’ taq kib’ pa uxo’l taq tinamit xuquje’ pa taq nimab’e.
Xuquje’ are la’ ketax rilik pa le ukojik taq le lentes simuladores rech tane’ q’ab’arinaq kajolom, kasutunik kiwach, eri xek’oji ri’ xkina’ le rilik jas le una’ik we q’ab’arinaq rumal tijow tzam xuquje’ ri awam kunab’al ri’ xuquje’ xetijoxik chi rij e q’ab’arinaq kewa’kat pa taq nimab’e. xuquje’ chi rij rilik ri kib’anob’alil ri winaq jacha e k’a’nirnaq, e ch’u’jirnaq, are chi’ petinaq koyowal, e moxirnaq ri’, xuquje’ xk’ut chi ke ri jujun taq b’iw ub’ixik kina’om ri winaq che ri kiriqom k’ax pa nimab’e.
Pa le q’ijol ri’, xeb’an nimaq’ij rech retal k’utb’e ri xek’oji wi e 2 mil 400 chi e ajtijoxel rech ri uxe’q’attijonem, nab’e q’attijonem, ukab’ q’atijonem xuquje’ urox q’attijonem, pa le ub’anik retz’b’exik tijonik, rech q’alanem q’atenik xuquje’ no’jtijonem eta’manik chi rij ri unimaxik uwach ri retal k’utb’e pa le nimab’e, rech jun utz ub’anik ri wa’katem pa taq le nimab’e pa tinamit xuquje’ jachin kunimaj ta ri’ k’oj nim tojb’al pwaq kakoj chi rij rumal ri Taqanem rech Tránsito ri’.
Eri b’anon q’alanem tijonik ri’ are uwach ri b’anojb’al ri’ taqom ub’anik rumal ri Wokom K’amal B’e Amaq’ Iximulew pa reqele’n uchakunik le Ministerio rech Gobernación (Mingob) rech wa’lijsab’al uk’utik ri nimanik, rech kakub’isax unimaxik ri retalil taq k’utb’e, rech pa jikom ri wa’katem xuquje’ rech ya’el uchuq’ab’ ri b’anon chajinem pa taq le nimab’e pa ronojel rulewal tinamit.