Eri uq’atexik ri ajtoq’il pwaq chi winaq ruk’ nik’aj chik b’anoj k’ax, are la’ tajin uq’atexik kumal reqa’lenel taq ri comisarías xuquje’ ri unidades ri Wokajil Ajchajil tinamit (PNC) sib’alaj are la’ katajin uq’atexik pa rachoch taj ri japache’ xuquje’ pa taq tinamit. K’a pawe q’ij ri’, e chapom chik e 1 mil 357 chi e’ajb’anol k’ax, ri are kuwah pandilleros xuquje’ e’ajesal kachib’al ajb’anol k’ax.
Rumal ri’ k’ate kanoq xchap jun q’apoj ixoq 21 ujunab’, “La Gorda” kab’ix chi re, kab’ixik are uwinaqil ri jun Pandillas rech ri Barrio 18, pa le aldea Boca del Monte, Villa Canales, Iximulew. Ri are xchapik are chi’ kab’ixik xopan che uk’amik jun k’olib’al ruk’ Q300 ri’, toq’ib’al pwaq xub’an pa le q’ij ri’. Pa le uchapik e k’o keb’ ch’a’web’al xeriqik ri tajin utzukuxik juntir utzijol ri’.
Eri q’alajisanem chi rij ri’, kub’ij “Le Gorda” ri’ are kab’ixik xutoq’ij Q5 mil chi pwaqil chi re jun winaq ri k’o chi la’, ri xub’ij chi re che kukamisaj we man kutoj ta ri pwaq xutoq’ij chi re. Chi’ k’u ri’ k’o jun nimalaj upatan xub’ano le kopanik pa aninaqil ri e ajchajil tinamit pa le uto’ik ri winaq xb’an chi re, rech xkiya una’oj ri’, rumal ri’ xq’tataj ri jun tojompwaq ri’ pa kaq’ab’ nik’aj b’anol k’ax.
Rumal ri’ xb’an jun nimtzukkunem pa le rachoch ri Japache’ Tz’apib’al Ixoqib’ rech Santa Teresa, k’o pa le zona 18 rech uk’u’x nimatinamit. Pa le solinem xb’an pa jun tz’apib’al chi la’, xriqitaj wi 22 chi ch’a’web’alil, ruk’ nojisab’al rech taq, ruk’ puch’b’al ramib’al ri’, are la’ xriq kumal ri ajchajil tinamit chi’.
Eri chajinem ri’ are rech kaq’atexik uwach taq ri Itzel jastaq rech kokisax taj pa rachoch taq japache’ tz’apib’alil. Xuquje’ are la’ rech kaq’atexik ri kb’anoj k’ax pa le rachoch japache’ ri’ rech kamisab’al kech ri e tz’apilik chi la’.
Rumal ri’ eri PNC kuna’tijsaj ub’ixik chi ke ri winaqil we k’o ri k’ax kakilo kab’anik, chakib’ij loq pa aninaqil pa le 110 ri’ chi paq’ij chi chaq’ab’ ri’ rech kaq’atexik ri k’ax.