Taqim k’ut kab’an pa kub’alil kachajixik ri winaqilal, rech uq’atexik ri e’ajb’anol k’ax, rumal ri’ sib’alaj xya’ uchuq’ab’ ri b’anoj puqchajinem tzukunik, rech ri nab’ejsab’al chajinem kumal ri reqa’lenelab’ ri comisarías, ri divisiones xuquje’ ri unidades especializadas rech ri Wokajil Ajchajil Tinamit (PNC) pa rulewal tinamit.
Pa taq le b’anoj ya’olchajinem ri’ pa le 15 k’a pa le 21 rech septiembre kanoq, eri wokajil ajchajil tinamit xkichap loq e 448 chi winaqil ri kab’ixik jalajoj ri k’ax kib’anom. Pa konojel ri xechapik, e k’ 126 ri’ xechap pa le uk’u’x nimatinamit Iximulew, e 322 ri’ xechap loq pa taq tinamit.
Eri jun chi ke ri puqchajinem xb’antaj ri’ are chi’ xechap e oxib’ chi elaq’omab’ pa le 14 calle xuquje’ Calzada Raúl Aguilar Batres, zona 12, are chi’ k’o jun winaq xuya ub’ixik. Eri nik’aj xechapik e are ri’ a Óscar Barrera, a Carlos Segura xuquje’ al Josseline Díaz, ri kab’ixik xechapik are chi’ e b’enaq chi rij taq kejach’ich’.
Pa le juntir le wuqq’ij kanoq, eri wokajil ajchajil tinamit k’o 63 chi k’aqb’al xkiriq loq, e k’o 38 chi winaqil keqam k’aqb’al xkichap loq. Xuquje’ xkiriq loq 21 chi kejach’ich’, 13 chi ch’ich’ keb’insaxik ri kab’ixik xa’ e eleq’am b’i.
Eri PNC sib’alaj xkitoq’ij ub’ixik chi ke ri winaqilal rech chakiterne’j ub’ixik loq juntir ri k’ax kakilo, pa le 110, ri kuk’am ri ub’ixik chi paq’ij chaq’ab’ ri’. Eri tob’anik kumal ri ajchajil tinamit kuk’ ri winaiqlal are la’ k’o nim upatanib’al rech kak’oji b’a’ jun tinamit winaqil sib’alaj kub’al k’u’x che kajwax uwach.