Pa 25 rech septiembre xjuch’ uwach le Convenio rech Cooperación Interinstitucional Ministro rech Gobernación, Francisco Jiménez, xuquje’ rumal le Rajkalte nmatinamit Ricardo Quiñonez, rech pa komon kahomaxik, rech sib’alaj ketob’anik chi kuwach ri’. Are rech kachomaxik kakitunu kichuq’ab’ rech uq’atexik ri k’axk’olil pa rulewal le nimatinamit Iximulew ri’.
Pa le utzijob’exik xub’an le Ministro Jiménez xub’ij are la’ rech kaya uchuq’ab’ le komonchak rech keto’ik ri wokajil ajchajil tinamit ruk’ le Q’atb’al Tzij rech Nimatinamit ri’ rech kab’an pa juntir le chajinik ri’. Are la’ sib’alaj qas kakichakuj uwach ri’ le rajchak taq ri uwokajil e’ajchajil tinamit xuquje’ kumal le Grupo Especial rech Ajq’atenel ri Toq’inik Pwaq (GECE) rech ri Wokajil Ajchajil Tinamit (PNC). Le nimriqon ib’ are xb’an pa le Rachoch Q’atb’al Tzij rech Uk’u’x Nimatinamit.
Le terne’m chajinem are la’ kab’an pa taq le centros le kioscos e kojom pa taq le wokja rech ri uk’u’x nimatinamit. rech kab’an le rilik jawchi’ rajawaxik wi ke’opan wiri’ le wokajil ajchajil tinamit xuquje’ k’o jastaq rech q’axeb’al tzij kakoj chi la’ kumal ri e’ajchajin tinamit che ri keriqitaj naqaj panoq.
Le a Quiñonez xub’ij, eri chak pa komon taqawokajil ri’ e are rech kakib’an ri utzil pa le kachajixik le winaqilal. Pa taq le b’insam ch’ich’ ri’ ketob’anik rech uq’atexik ri b’anoj k’ax chi la’ xuquje’ rech pa utzil ucholaj ukojik kakib’anoj le jastaq chakub’al pa le ya’olchajinem winaqil pa tinamit.
Are k’o nim upanta wi’ kaya ub’ixik kamik chi k’o kab’lajuj chi centros rech monitoreos pa taq k’olib’alil rech uk’u’x nimatinamit xuquje’ eye’m ri’ rech kakutunu kib’ e b’elejeb’ chik, rech kaq’ansaxik ri riqon ib’ chomanik kuk’ ri winaqilal.
Xuquje’ ya’tal ri’ le rajilab’al ch’a’web’al rech le 110, 1571 xuquje’ le 1574 rech chi la’ kakib’ij wi loq ri winaqil wexa’ k’o ri k’ax kakilo kab’anik.