Eri reqa’lenel ri Departamento rech Transito rech ri Wokajil Ajchajil Tinamit (DT-PNC) sib’alaj uwach ri etz’anem opanriqonem ub’i’ carreras clandestinas pa jalajoj taq nimab’e rech ri uk’u’x ri nimatinamit iximulew xuquje’ pa nik’aj chik nnimab’e pa rulewal qatinamit. Eri chajinem ri’ are kab’an pa taq le q’ij ri’ pa taq k’olib’alil che ri kab’an ri etz’anem pa awalik.
Pa le k’isb’al wuqq’ij ri’, eri wokajil ajchajil tinamit sib’alaj xkiq’atij uwach ri k’ayin ch’ich’ pa awalik, pa le 7a avenida rech ri zona 13 pa uk’u’x nimatinamit, chi uwach ri Contraloría General rech Cuentas (CGC). Ri jun awam k’ayin ch’ich’ ri’ xuquje’ uq’atim ri nimab’e ri’, xuquje’ jun k’ax upetisam chi ke ri winaqil pa le nimatinamit ri’.
Le Ministro rech Gobernación, Francisco Jiménez, sib’alaj xuya’ ub’ixik chi k’o nim upatanib’al ri b’anoj chainem ri’ rech kaq’atexik ri awan k’ayin taq ch’ich’ ri kakiq’atij nimab’e xuquje’ rumal xaq ketararik pa taq le nimab’e.
Xuquje’, sib’alaj xuya’ utzijol che ri e’ajb’inisal ri ch’ich’ man xkinimaj le q’atam utaqim rumal le Utaqanem ri Tránsito ri’.
Pa le nik’aj chik nimab’e rech uk’u’x nimatinamit, jacha le Avenida Las Américas xuquje’ chi rij taq le Mercado rech Artesanías, pa zona 13, chi la’ k’ut eri reqa’lenelab’ ri tránsito xkikoj 121 chi tojb’alil chi ke ri e’ajb’inisal taq kejach’ich’. Eri tojb’al xkoj ri’ are rumal maj ri placas reqam ri’, rumal kikojom ta ri casco rech tob’al kajolom, rumal e k’o keqam ta kiwujilal ri’ xuquje’ rumal xaq katoror uqul ri kejach’ich’ pa nimb’e pa tinamit, jeri’ rumal nik’aj chik kimak ri’.
Eri ub’ixik loq kumal le winaqil pa tinamit are sib’alaj k’o nim upatanri’ rumal are la’ rech kaq’atexik ri awan b’anoj etz’anem carreras clandestinas ri’ rumal k’ut ke’uya’o pa k’ax ri winaq che kek’oji pa le awan etz’anem ri’. Rumal ri’ eri PNC sib’alaj kuya ub’ixik chi ke ri winaqil rech chakiya’o ub’ixik ri b’anoj etz’anem ri’, pa le 110 ri’.