Cho le nimalaj rachoch le Uk’u’x Nimatinamit, are jun nim una’tib’alil le Iximulew, le xb’an wi le Nim Uq’ojomanik le Orquesta Sinfónica Nacional ruk’ le Banda Sinfónica Marcial, rech xb’an le nimaq’ij rech xutz’aqatisaj kajk’al ujunab’ le uch’ojixik amaq’il rech ri 20 rech octubre rech 1944, are jun k’aslik na’tib’al k’o kanoq chi kuxo’l le k’ak’ taq winaqilal pawe nimatinamit ri’.
Le q’ojomanem rech le Revolución ri’ are xb’an chi uwach le Nim k’amal B’e Amaq’ Bernardo Arévalo, ruk’ le Ukab’ K’amal B’e Amaq’, Karin Herrera; ruk’ le Nab’e Nim Chuchuxel rech ri Amaq’, Lucrecia Peinado; ruk’ le Secretario rech Comunicación Social rech ri Presidencia, Santiago Palomo; ruk’ le Ministro rech Gobernación, Francisco Jiménez; kuk’ le ministros rech Amaq’ xuquje’ kuk’ le patanelab’ rech ri Organismo Ejecutivo.
Pa le utzij xub’an, le Nim K’amal B’e Amaq’ Arévalo, sib’alaj xuya’ ub’ixik che pa kajk’al junab’ chik katajin le nim na’tib’al ri’ ri k’o nim upatan xub’an pa le jikom utzijolil le qatinamit ri’, jeri’ nab’e jeri’ ok’owinaq chik le jun uch’ojib’al ri’, xuquje’ k’o jun nim kik’utb’anik xkiya kanoq le jupuq winaqilal ri’ rech xkimol kib’ che uch’ojixik le wokajil winaqilal tinamit pa jikomal, pa junamil, le ki’kotem ri’.
Xuquje’ le K’amal B’e Amaq’ ri’ sib’alaj xub’ij chi k’o nim upatan le jun xechb’ax uwach rech xya chi ke le k’ak’ kuwach taq winaqilal, e are ri ab’om alitom ri xkikoj kichuq’ab’ rech uwokik le jalajoj uwach le Iximujew ri’.
“E are k’ut qas xkiya uk’aslemal le Revolución ri’ le pa amaq’el kak’asab’ ri’”, xcha’. Pa le ub’anikil le ya’olchajinem pa tinamit, le K’amal B’e Amaq’ sib’alaj xub’ij k’a te xya ub’ixik chi kekoj na e 3 mil 500 chi k’ak’ eqa’lenelab’ rech ke’ok pa le Wokajil Ajchajil Tinamit (PNC), le sib’alaj qas kakiya kanima’ rech ke’ok che eqa’lenel pa le wokajil chajin tinamit ri’ rech kechajin pa tinamit.
Sib’alaj e k’i winaqil e alaxik e aj iximulew xkimol kib’ cho le nimalaj rachoch uk’u’x nimatinamit xkimol kib’ chi’ pa le loq echab’al ri’, rech sib’alaj xkeki’kot ruk’ taq le jalajoj taq q’ojomab’al ri Xkiq’ojomisaj Uq’ij le Revolución, jeri’ le Luna de Xelajú, xuquje’ le Obertura 1812 rech Tchaikovsky. Pa le nimaq’ij xb’anik, xetzinila’x le kampana rech le Catedral Metropolitana, xuquje’ xepoq’isax nima’q taq poq’sab’al k’aqb’al ri’, pa le nimaq’ij rech na’tib’al le ch’ojib’al xb’anik ri xuk’ex utzijol le tinamit Iximulew ri’.