Eri reqa’lenel ri Departamento rech Tránsito rech ri Wokajil Ajchajil Tinamit (DT-PNC) kamik xkib’an ri ya’olchajinem k’utb’e pa taq le nimab’e kab’e pa Le Antigua Guatemala, Sacatepéquez, chi la’ pa le Cuesta de las Cañas, rech xpixb’exik ri e’ajk’ejch’ich’ ri’ chi rij le nim upatanib’al kakito’o ri kajolom are chi’ e b’enaq pa taq le nimab’e ri’.
Le taqanel rech ri Sección rech Educación Vial rech ri DT- PNC, David de la Paz, xub’ij le puqchajinem are le nab’e rech le wuqub’ ri’, ri chomatal chik kab’an pa jalajoj taq k’olib’alil pa uk’u’x le nimatinamt xuquje’ pa taq le nimab’e pawe amaq’il. K’o ri puqchajinem kab’an ri’ pa le kilómetro 44 rech ri CA-1 Oriente xuquje’ pa le kilómetro rech ri nimab’e kab’e pa Puerto Quetzal, Escuintla, chi la’ k’ut kab’an ri puqchajinem q’atenik xuquje’ rech kachajixik ri winaqixel kewa’ktaj pa le nimab’e pa tinamit.
Le De la Paz xub’ij ri are eri utob’anik ri Asociación rech importadores rech Motocicletas rech Iximulew ri’ (ASIM), xjach tob’al kajolom ri e’ajk’ejch’ich’ ri’ rech xk’ex ri q’aya’l chik keqam ri’. Xuquje’ xub’ij chi k’o jun nim upatanib’al kakikoj ri tob’al kajolom ri’ rech kesakataj taj, rech kakisolkopij ta kib’ pa le nimab’e ri’.
Pa le puqchajinem ri’ eri wokajil ajchajil tinamit xuquje’ xkilo che ri e’ajb’inisal le ch’ich’ ri’ rajawaxik b’a’ keqam ri kiwujilal ri’, rech kakinimaj ri utaqom unimaxik ri Taqanem rech Tránsito ri. Le cholchak taqanem ri’ are rech kak’amsax katijoxik rech pa jikomal kewa’katik, pa taq le nimab’e pa rulewal le nimatinamit ri’.