Le Ministro rech Gobernación, Francisco Jiménez xuquje’ le Director rech ri Instituto Guatemalteco rech Turismo (Inguat) xkik’am ub’e ri ilob’anem pa tinamit ri’, pa le uq’ijol le Convenio Interinstitucional rech Fortalecimiento chi kuwach ri keb’ taqawokaj xek’oji ri’. le ilob’anem are xb’an pa le Escuela rech Especialidades rech E’ajchajinelab’ rech ri Wokajil Ajchajil Tinamit (PNC). Pa le ilob’anem ri’ k’o ri chakub’al tob’anik xjach pa kaq’ab’ ri reqa’lene le División rech Seguridad Turística rech ri PNC pa le k’isb’al taq junab’ ri’. Chi ke ri chakub’al ri’, k’o 459 chi atz’iyaqb’al rech kakikoj ri reqa’lenelab’ le División ri’. 

Rumal ri’ le Ministro xub’ij “le atz’iyaqb’al ri’ are loq’ retalil kino’jk’aslemalil le PNC, rech kakipatanij le ya’olchajinem chi ke ri winaqilal e aj iximulew ri’ xuquje’ rech b’a’ sib’alaj kechajixik le winaq e wa’katelab’ kumal reqa’lenelab’ le Disetur”. Le nim patanel ri’ sib’alaj xub’ij eri nim komonchak tob’anik rumal le Mingob ruk’ ri Inguat rech ri b’anoj chajinem kub’al k’u’x xuquje’ rech pa le kachajixik ri winaq e wa’katelab’ rech pa tinamit kuk’ ri naj kapetib’alil. 

“Are la’ jun retal k’utb’an rech ri b’anoj patan ri’ rech pa le kachajixik ri winaqil e wa’katelab’ rech tinamit kuk’ri naj taq tinamit kapetib’alil kebin pa Iximulew” xcha’ le K’amal B’e Whitbeck pa le b’anon chomanem ri’. 

Ri jastaq chakub’al 

Eri atz’iyaqb’alil ri’ are le kami’x ub’anik polo, le wexaj ruk’ le tob’otik xajab’ rech kakoj pa taq juyub’ kumal le ajchajil tinamit. Eri jastaq ri’ are la’ kajach pa chi kuwach le 16 chi uwokajil le Disetur ri’. 
Xuquje’ kajipixik ya’ik pa kaq’ab’ ri wa’katel winaq pa tinamit ri’ le wujil rech tzijol ri’, rech kakisik’ij le utzijol rech utaqixik le jun utzalaj kilik kachomaxik, kachajixik pa taq le kopanb’alil. 

Pa le jachoj atz’iyaq jastaq ri’ are jun xk’oji le Viceministra rech Seguridad, Claudia Palencia ri’, le Viceministro rech Tecnología rech ri Información xuquje’ Comunicaciones, William Cameros ri’ xuquje’ le Subdirector General rech Operaciones rech ri PNC, Esvin Jacinto ri’.