Sib’alaj tajin chajinem kumal reqa’lenel ri Wokajil Ajchajil Tinamit (PNC) rech pa joremal kewa’kat ri winaqil pa le 125 Festival rech Barriletes Gigantes, jun nimaq’ij kumal ri winaqilal che ri kakiriqo wi kib’ e k’i taq winaqilal ri kepe pa taq tinamit kuk’ ri kepe wi naj, ri sib’alaj xeki’kotik che rilik ri je’lalil ri’ xk’ut pa le Cementerio General rech Santiago, Sacateppéquez ri’.

Pa le nimaq’ij ri’ sib’alaj xb’an uk’utik le nim barrilete b’anom kumal reqa’lenel ri Comisaría 74 rech ri PNC, rech na’tib’al ri loq’ taq ajchajinel e kaminaq b’i pa le wokaj chajin tinamit ri’ xuquje’ ri sib’alaj xkikoj kachuq’ab’ pa le kachajixik ri winaqilal.

Ri K’amal B’e Amaq’ Bernardo Arévalo, ri are xopan pa le ilon nimaq’ij ri’, le sib’alaj xub’ij chi k’o nim upatanib’al wa’ jun nim na’tib’al ri’ pa Iximulew. Xuquje’ le Nim K’amal B’e xub’ij chi ke ri winaqil ri’ rech e are jun b’a’ jun na’tinik ri’ ri xaq xu’ wiri’ jun ub’anik pa uwachulew.

Rumal ri’, le Ministro rech Gobernación, Francisco Jiménez xumaltyoxij che ri K’amal B’e Amaq’ le Nimatat Arévalo rumal are jun xopan chi’ xuquje’ rumal le tob’anem kub’an chi ke ri e’ajchajil tinamit pa le raq’ansaxik pa kaqiq’ pa le kaj le barrilete ri’ rech kina’tixik ri e’ajchajinel e kaminaq b’i pa le chajin tinamit. “Sib’alaj kinq’ijolaj kiq’ij le utz taq ajchajinel rech PNC e kaminaq b’i ri’”, xcha’.

Le K’amal B’e rech ri PNC, David Custodio Boteo sib’alaj xub’ij che pa uwaq uwach junab’ chik le ajchajil tinamit are jun tajin pa le b’anoj nimaq’ij ri’ rech ub’anik jun barrilete ri’ rech na’tib’al kiq’ij ri ajchajinel e kaminaq chik.
sib’alaj xub’ij eri jun barrilete ri’ are retal jun k’amz’ij chi kaj ruk’ uwachuleew kuk’ ri ajchainelab’ e kaminaq b’i pa le chajin tinamit winaqil.

Eri b’anob’alil ri’ are uwach unimaxik ri Plan de las Flores, ri xtaq ub’anik rumal le Taqawakaj Chajin Tinamit rech kachajixik ri winaqilal pa le kopanik pa juntir le kamuqib’al kaminaq pa tinamit, jeri’ pa taq le nimaq’ij xb’an pa taq le Uq’ijol rech Todos los Santos ri’ pa taq le tinamit.