Eri eqa’lenelab’ rech ri comisaría xuquje’ ri unidades especializadas rech ri Wokajil Ajchajil Tinamit (PNC) sib’alaj ketajin che kachajixik ri winaqilal paq’ij domingo ri’ ri ke’opan pa taq le kamuqib’al kaminaqib’ pa taq tinamit, pa le muqib’al tojom pa Iximulew, jeri’ rech tinamit, ri ke’opan che una’texik kiq’ij ri kalaxik kachalal rech kakikoj kakotz’i’j pa uwi taq ri muqib’al.
Pa le nim tinamit, eri wokajil ajchajil tinamit ketajin pa chajinem che kaqan xuquje’ chi rij kejach’ich’ pa taq muqib’al kaminaqib’ rech ri Cementerio General rech ri zona 3. Xuquje’ k’o k’olib’al chajinem kojom ri’ rech uq’atexik taq b’anoj k’ax chi’ xuquje’ rech pa joremal kewa’kat ri winaqilal ke’opan chi’.
Xuquje’ k’o korlim chajinem kojom chi rij le muqib’al kaminaqil ri’ rech kasolixik ri ch’ich’ ri winaqil ke’ok’wo chi la’
Xuquje’ k’o korlim chajin winaqil tajin kumal chi rij le cementerio ri’ rech xkisolij kitzijol ri e’ajb’insal ch’ich’ kuk’ ri winaq kachb’ilam ri’ rech xkilo we man k’ot jun taqom tane’ uchapik ri’ xuquje’ rech maj jun k’ax kab’an tane’ chi’, chi ke ri winaqilal ri’.
Eri b’anoj chajinem ri’ are uwach unimaxik ri Plan de las Flores taqom ukojik chi’ rumal ri K’amal B’e Amaq’ Iximulew pa reqele’n ri Ministerio rech Gobernación (MINGOB) k’a pa le 31 rech octubre kanoq xuquje’ are kak’is pa oxib’ rech noviembre ri’. Ruk’ ri b’anoj chajinem ri’, are rech pa joremal jikomal kakik’owisaj ri nimaq’ij ri winaqil pa tinamit.