Sib’alaj e k’i ri winaqil tajin ke’opan pa le Cementerio General, k’o pa le zona 3 rech ri uk’u’x nimatinamit, le Ministerio rech Gobernación pa reqele’n le Wokajil Ajchajil Tinamit (PNC) xkib’an kachajixik ri winaqilal ke’opan chi la’ k’ut, are uwach ri Cholchak Chajinem pa Ya’b’al K’otz’i’j ri’.
K’a pa nimaq’ab’ ri’, eri e’ajchajil tinamit sib’alaj kijipim kib’ che chajinem pa le kamuqib’al kaminaqib’ ri’ rech kakichajij le winaqil che ri ke’opan pa le camposanto ri’ rech kakiwiqo uwi’ kamuqib’al ri kalaxik kachall e kaminaq b’i.
Rumal ri’ k’o puqchajinem tajin kakib’an ri e’ajchajil tinamit pa ch’ich’, chi rij kejach’ich’, k’o k’olib’al chajinem kakojom chi la’ ri taq ri drones, ruk’ nik’aj chik chajinem kojom chi la’ rech kachajixik ri winaqil kewa’kat chi la’, are la’ uwach ri Cholchajinik tajin ri’ rech Ya’b’al Kotz’i’jal chi la’.
Eri winaqil e’aj iximulew ri’ xe’opan chi la’ pa uwi’ taq kamuqib’al le kaminaqib’ xuquje’ pa le Cementerio General ri katajin wi nim kiq’ijol ri’ kaminaqib’, chi la’ k’ut tajin wi kachajixik kumal ri PNC.
Ri Cholchajinem rech Ya’b’al Kotz’i’j ri’ are xmajtaj iwir are la’ kak’is uq’ij pa le oxib’ q’ij rech noviembre ruk’ ri kachajinik ri 40 mil chi reqa’lenelab’ ri PNC e jipim pa juntir rulewal tinamit rech pa jikomal kak’oji juntir rulewal ri tinamit.