Pa oxlajuj taq tzukunem xb’an pa nimaq’ab’ kamik jueves, eri Wokajil Ajchajil Tinamit (PNC) e k’o b’elejeb’ b’anol k’ax kakitoq’ij pwaq e uwinaqil ri Mara 18  xkichap loq, pa unimaxik ri b’anon tzukunem chajinik nab’ejsam ub’anik rumal le Ministerio rech Gobernación are la’ tajin kub’an upatan rech xpaq’ab’ uchuq’ab’ ri ya’olchajinem winaqil pa tinamit.

Eri puqtzukunem xb’an kumal le e’ajtzukno’jchak rech ri Wokajil Ajchajinelab’ E’ajq’atenel taq ri Pandillas (DIPANDA) pa kemonchak tob’anik kuk’ ri q’atol tzij rech ri Ministerio Público xkib’an ri jalajoj taq tzukunem chajinik pa uq’ab’ taq tinamit rech Iximulew, Retalhuleu xuquje’ B’oqo’ (Chimaltenango) ri’.

Le PNC xuya ub’ixik ucholaj che ri b’anoj taq tzukunem ri’ are la’ xtaq ub’anik kumal taq ri q’atb’al tzij rech xkiterne’j ri ub’ixik chi rij ri toqinik katajin ri’, rumal are la’ ri k’ax qaraj tajin kumal ri uwinaqil ri pandillas ri’.

Ri xechapik e are taq wa’:

A Daniela “N” 26 ujunab’

A Iris “N” 20 ujunab’

Ri Whagner “N” 26 ujunab’

A Olga “N”

A Zoila “N” 32 ujunab’

A Abelaida “N” 36 ujunab’

A Mariana “N” 22 ujunab’

A Sandra “N” 39 ujunab’

A Sheily “N” 22 ujunab’

Sib’alaj tajin kaq’atexik ri kakitoq’ij pwaq

Pa uwach wuqq’ij ri’ le Ministro rech Gobernación, Francisco Jiménez, xujach le Centro rech Detención rech Máxima Seguridad rech Ktz’apib’al Achijab’ Renovación I, k’o pa Escuintla, pa K’amal B’e Amaq’, Bernardo Arévalo. Rech ketz’apixik chi la’ e 260 e’ajpache’ rumal eri kimak kib’anom toq’inik pwaq.

Pa le usuk’b’exik le rachoch japache’ ri’, xkoj chi la’ le utzalaj taq tob’chakunb’al rech qas ketas wiri’, rech qas kechajin wiri’ le wokaj ajchajil tinamit pa le uq’atexik ri b’anoj taq toq’inik pwaq kumal nik’aj b’anol k’ax chi kech ri winaqilal e’aj iximulew.