Pa le nim kaq’atexik le nuk’molaj b’anol taq k’ax rumal le Wokom K’amal B’e Iximulew, pa le uchakunik le Ministerio rech Gobernación (Mingob), pa le xechap wi e 2 mil 183 chi elaq’omab’ kakitoq’ij pwaq, e kuwach pandilleros xuquje’ e’ajesal kachib’al b’anol k’ax. Pa le tzukunem pa kachoch winaq b’anom kumal le reqa’lenel le Subdirección General rech Investigación Criminal (SGIC) rech ri Wokajil E’ajchajin Tinamit (PNC) ruk’ le katob’anik le Ministerio Público (MP), pa Iximulew, Xe’laju’, Retalhuleu, Escuintla xuquje’ pa Sacatepéquez, chi la’ xechap wi loq e 23 chi winaqil kab’ixik jalajoj ri kimak kib’anom.
Ri xechapik e uwinaqil le pandillas rech ri Barrio 18, xch’ob’ kib’i’ kitzijol e are ri’ al Lesly N xuquje’ al Leonor N. Xuquje’, a Víctor N, “Toro” ub’i’ q’ab’em; al Eugenia N, Rosbel N, al Waleska N, a Juan N, a Eddie N, a Fredy N, al Lesly N, a Eleazar N, a Carlos N, a Sender N, a Emerson N, a Ana N, al Vilma N, al María N xuquje’ al Aleyda N.
Nik’aj b’anol k’ax ri’ kab’ixik k’i toq’inik pwaq kib’anom, k’o b’anoj k’ax, b’anoj k’ax chi kech ri ch’ich’ rech erelwinaq kib’anom, k’o nim xib’inem xuquje’ kamisan winaq kib’anom ri’.
Xuquje’ xechap ri a Otto N kab’ixik k’o ali, ixoq xuchapo ri xaq katajinik xub’an ri k’ax ri’; a Erick N k’o nim elaq’ xub’ano; xuquje’ a Margarito N, “El Chiquito” ub’i’ q’ab’em, ria re kab’ixik k’o ixoq uch’ayom. Xuquje’ k’o jun winaq salvadoreño ub’i’ a Erick N, xuquje’ a Edwin N xchap pa taq le tzukunem xb’an pa kachoch. Konojel ri’ xek’am b’i pa le q’atb’al tzij chi rij ri k’ax xkib’ano rech kechomaxik.
Eri wokajil e’ajchajin tinamit xuquje’ xkiriqo 93 chi ub’aq’ taq k’aqb’alil ri jalajoj uwach, ruk’ kajlajuj (14) ya’b’al uq’aq’nil ch’aweb’alil, ruk’ oxib’ chi k’aqb’alil, jun k’aqb’al xaq b’anom, jun k’olib’al ruk’ crack, job’ chi pisob’al rech marihuana, jun kejach’ich’ maj uplacas rech kab’inisaxik, xuquje’ ruk’ b’elejeb’ chi ch’aweb’alib’al q’axel tzij. Eri awan kunab’al xriq ri’ xb’an b’a’ retaxik rilik rech ya’b’al uchuq’ab’ ri tzuno’jchak chi rij ri’.