Le Ministro rech Gobernación, Francisco Jiménez xtatb’enik pa le IV Congreso rech Seguridad Vial pa le sib’alaj xuya wi utzijol le chak b’anom rech ya’olchajinem pa taq le nimab’e xuquje’ rech ri chajinem kaya uwi uchuq’ab’ ri’ rech unimaxik ri chajinem pa nimab’e ri’. Sib’alaj xuya ub’ixik ri’ chi k’o nim upatanib’al le Wokajil Ajchajil Tinamit (PNC) ruk’ le uchakunik le Departamento rech Tránsito rech ri PNC, are ri’ rajawaxik keche’x ub’ixik chi kech ri kaq’atb’al tzij rech kakiya uchuq’ab’ ri chajinem chi kech ri rachoch tijob’al rech tránsito ri’ ruk’ ri resaxik ri wujil rech kab’inisax taq ch’ich’.
Are chi’ xub’an utzijoxik ri chajinem rech uq’atexik taq ri etz’anem ub’i’ opanriqonem pa awalik, xub’ij are wa’ xub’an upatan rech xq’atataj ri jun k’axk’olil ri’. “K’a pa le nab’e q’ij pa nutaqanik xaqamaj ub’anik ri keb’ uwach utaqixik chak ri’: uq’atexik ri riqon k’ax pa nimab’e xuquje’ ri chajinem kub’sib’al k’u’x pa nimab’e rech kawok ri qatinamit ri kub’al k’u’x xuquje’ ri ucholajil ri’”, xcha’.
Qaraj k’o 8 mil uk’olib’alil chajinem rech kaq’atexik ri e’ajb’inisal ch’ich’ che ri katijom tzam xuquje’ e chajim karumumik ri ch’ich’ rumal le Departamento rech Tránsito rech ri PNC ri’ are la’ ri jujun taq chak b’anom rumal le Ministro rech Gobernación. Pa ronojel ri’ k’o 84 mil rajilab’al chajinem b’anom ri’, ri q’alanik b’anom rech maj riqon k’ax pa nimab’e pa rulewal qatinamit. Rumal ri’ le nimak’amal b’e Jiménez sib’alaj xub’ij chi k’o jun nim upatanib’al ri kak’amsaxik ri no’jb’alil rech kanimaxik ri jikom taqanem rech tránsito ri’, ri rajawaxik kanimaxik kumal taq ri e’ajb’inisal ch’ich’ xuquje’ kumal ri winaqil keb’inik pa taq le nimab’e. Rumal ri’ sib’alaj xub’ij che rajawaxik kaya uchuq’ab’ ri b’anoj chajinem ri’ rech b’a’ konojel ri e’ajbinisal ri ch’ich’, ri kejach’ich’, che ri ketajin che resaxik kiwujil rech kakib’inisaj ch’ich’, kakik’am ucholaj unimaxik ri’.
“Eri ula’wchexik le ch’ich’ rajawaxik qas kab’an ri’. Le jun nimach’ich’ we man utz taj xuquje’ ri xa’ suk’ub’am tane’ kojom pa le awam opanriqonem are kuya jun k’ax chi kech ri winaqil kewa’kat pa nimab’e pa tinamit”, xcha’ are chi’ xtzijonik. Eri ilob’anem ri’ are la’ xwok uwach rumal le Fundación para el Desarrollo rech Guatemala (Fundesa) xuquje’ rumal le Cámara rech Comercio Guatemalteco-Americana (Amcham), rech b’a’ k’o nik’aj chik b’ixik uchomaxik kab’anik rech uq’atexik ri k’axk’olil kakiya pa nimab’e pa tinamit.