Le Wokaj Taqanib’al pa Amaq’ Iximulew xkitaq ukojik unimaxik le Decreto 35-2024, le k’ak’ Taqanem rech ri Wokajil Ajchajin Tinamit (PNC), qas utaqim kaloq’axik kuwach le e’ajchajin tinamit, rech k’extalik chik uwach, rech k’isb’al katijoxik ri e’ajeqa’lenel ri’ rech ya’ik kichuq’ab’ b’anoj chak pa le wokajil chajin tinamit, rech utaqixik le kub’sal k’u’x unimaxik uwach le Ya’tal chi kech Winaqib’ xuquje’ rech utz ukojik ub’anik le taqanem pa kichakunik.
Le retab’al b’anoj ri’ are kuto’ kij le e’ajchajinelab’ rech k’o pa ujikomal b’a’ kakikojo le kik’aqb’alil rech kakito’o kib’ kak’to’o le kik’aslemal, pa le q’atenik b’anoj k’ax. Jeri’ xq’at ukojik le cámaras chi rij le katz’iyaqb’al le e’ajchajinelab’ xuquje’ eri wokaj chakunb’al chajin tinamit e are kakib’an le rilik we utz unimaxik le taqanem kakib’ano, pa kachajixik le winaqilal pa ronojel tinamit.
Le taqanem xuquje’ kutaq raq’ansaxik kajil le e’ajchajin tinamit, chi rij taq le q’ij ketajin pa chak, ruk’ le katijob’alil kesam ruk’ le tijonem pa tijon’al rech ajchajil tinamit. Xuquje’, rech ya’ik jun seguro de vida ri’ rech 100 mil quetzales xuquje’ ruk’ jun bono anual chi kech ri jujun taq reqa’lenel le PNC.
Pa le uka’k’al ulajuj riqon kib’ xb’an pa rachoch le wokaj taqanib’al tinamit ri’ chi la’ k’ut xopan wile Ministro rech Gobernación, Francisco Jiménez ruk’ le Viceministra rech Seguridad, Claudia Palencia, ruk’ le Viceministro rech Antinarcóticos, Werner Ovalle, le K’amal b’e rech ri PNC, David Custodio Boteo, kuk’ le rajtaqanelab’ taqon chajinem pa tinamit xek’oji pa le riqon ib’ chomanik, rech xkitun kaq’ab’ kitzij rech xkik’iso utz’ib’axik le taqanem ri’.
K’o nim upatanib’al pa runimal taq cholchak rech ri k’ak’ taqanem ri’ k’o ri investigación criminal, ri salud xuquje’ asistencia social, le utuke’lem rib’ kojb’al pwaq, ri ya’ik uchuq’ab’ le chajinem pa taqawokajil xuquje’ le usolixik ri chak b’anom rumal Departamento rech Tránsito rech ri PNC. Ruk’ unimaxik uwach le 89 artículos rech kuq’at le uchakunik, pa uwokajilal xuque’ ruk’ le uchuq’ab’ uchak le taqawokajil rech kub’sal k’u’x pa le tinamit.