Eri reqa’lenel ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC), xkichap le keb’ achijab’ xuquje’ xkiriq jun eqa’n chi awan kunb’al, pa jun puqtzukunem xb’an pa le kilómetro 229 rech le ruta Interamericana, juyub’al rech Coatepeque, Xe’laju’. Eri q’atenik kumal le e’ajchajin tinamit are la’ rumal jun ub’ixik loq kumal le winaq pa le ch’aweb’al 110 rech le wokajil ri’.
Eri xchapik are a Kevin N, 35 ujunab’ xuquje’ a Chistopher, 22 ujunab’, ri kab’ixik reqam b’i 41 chi tanaj k’olib’al ruk’ cocaína pa le pico placas P-495JMQ ri’. Pa le tzukunik ri’ k’o jun k’aqb’al xriqitaj ri’ ruk’ jun k’aqb’al ruk’ uwujil, keb’ nojsib’al rech, 28 ub’aq’ k’aqb’al utz kakojik xuquje’ ruk’ keb’ chi ch’aweb’al ri’.
E’are le ajchajinel q’atenel taq awan kunb’al le xesolin pa le ch’ich’ ri’, ruk’ katob’anik le q’atol tzij rech ri Ministerio Público (MP), are la’ xuya pa retal xb’antaj xriqitaj ri awan kunb’al pa jun k’olib’al ri’ rech q’aq’elja’b’al le ch’ich’. Te k’u ri’, le puq reqa’lenel le PNC e’ajq’atenel awan kunb’al, e’are xkib’an le rilik le tanajil pisom rech awan kunb’al, are ri’ uwach le uq’atexik ri cocaína ri’.
Eri nab’ejsab’al utzijol ri’, eri nik’aj winaq xechapik are chi’ e b’ena pa uk’u’x nimatinamit rech Iximulew. Rumal ri’, le q’atb’al tzij xkimaj ri b’anoj tzukunem chi kij rech kachomaxik jawchi kataq wi b’i ri awan kunb’al ri’ xuquje’ rech kechapik nik’aj e’ajmaj chi rij. Eri eqa’n kunb’al ri’ eri rajil k’o Q4 millones 212 mil 411.75 ri’, are la’ jun nim kaq’atexik xb’an le nik’aj b’anol k’ax e narcotraficantes rech qatinamit xuquje’ rech pa nik’aj chik tinamit.