Le Wokajil Ajchajil Tinamit (PNC) xkiya utzijol che we kamik k’o jun kaq’atexik xb’anik ri jun molaj b’anol e’ajq’axenel winaq tojom pa kaq’ab’ ri’ xechapatajik pa k’ulb’a’t juyub’ ri’. Eri q’atb’al tziji rech e’ajchajil tinamit xkiya utzijol che xuchap jun chi kech ri uwinaq ri xya loq ub’ixik utzijol xuquje’ are la’ uwach ri tzukunem xub’an ri Comando Antisecuestros ri’.
Eri jun molaj b’anol k’ax ub’i’ “Los Fronterizos” are ri kab’ixik ri ke’uchap ri winaq e’ajq’axel ri’ rech xutoq’ij pwaq chi kij rech kakitzoqopij loq. Kab’ixik e’are kakib’an ri k’ax ri’ pa le fronteras Pedro de Alvarado, k’o pa Moyuta, Jutiapa, xuquje’ pa k’ulb’a’til juyub’ rech Chinab’jul.
Le utzijolil
Eri uwinaqil ri jun nuk’molaj b’anol k’ax ri’ e’are ri xkichapo xkeleq’aj e job’ winaqib’ peruanos e’ajq’axel b’i pa tinamit pa 26 rech septiembre kanoq pa le frontera Pedro de Alvarado ri’. Eri tz’kno’jchak chi kij kumal e’ajchajil tinamit xuq’alajisaj che sib’alaj xkitoq’ij seis mil dólares chi kij chi kech ri kalaxik rech kakitzoqopij loq. Rumal ri’ pa le 31 rech octubre xechapatajik ketajin che b’anoj k’ax ri’ a Esvin N., 47 ujunab’, al Miriam N, 36 ujunab’, xuquje’ a Juan N, 31 ujunab’, are chi’ xe’esax pa kaq’ab’ jun migrante rech República Dominicana ri’. Chi la’ k’ut eri PNC xkiriq loq jun k’aqb’al, kajib’ chi ch’aweb’alil xuquje’ jun ch’ich’ kab’inisaxik.
Eri PNC, pa junab’ ri’ are ri’ le ukaj kichapik winaq e b’anol k’ax kib’i’ “Los Fronterizos” e’uchapom chik. Rumal ri’ eri Comando Antisecuestros xuchap loq a Fredy N, 30 ujunab’, pa le colonia El Mezquital, zona 12 rech Villa Nueva ri’, are chi’ xtaq uchapik rumal jun q’atb’al tzij rech Chinab’jul ri’.
Le tzukno’jchak ri’ sib’alataj katajinik rech kechapik keq’atexik ri jun molaj b’anol k’ax ri’. Rumal ri’ le Ministerio rech Gobernación xkub’isaj ub’ixik che ri upatan are rech ke’uq’atij ke’uchapo ri molaj b’anol ri’ che ri kakib’an k’ax chi kech ri winaqil e’ajq’axel e’aj iximulew kuk’ ri rech nik’aj chik nimatinamit pa uwachulew.