Eri reqa’lenelab’ ri División rech Información Policial (DIP) rech ri Wokajil Ajchajil Tinamit (PNC), pa komonchak kuk’ ri q’atol tzij rech ri MP xkib’an 166 b’anoj tzukunem pa taq ri tinamit rech ri Amaq’, rech taqim kichapik ri jun molaj b’anol k’ax colombianos kakiya pwaq kiqajik ruk’ b’anoj elaq’ chi kech ri winaqil ri’.
Eri kichapik ri’ are tajin pa uk’u’x nimatinamit Iximulew, pa Escuintla, Retalhuleu, San Marcos, Xe’laju’, Quiché, Chuwi’meq’ina’, Sacatepéquez, El Progreso, Baja Verapaz, Alta Verapaz, Peten, Izabal, Zacapa, Chiquimula, Jutiapa xuquje’ pa Santa Rosa ri’.
Eri utzijol kub’ij, eri wokajil ajchajil tinamit xkichap loq nik’aj elaq’omab’ ri’ e are ri’ a Josué N, a “Julián” a“Jefe Ferney” xuquje’ a “El Patrón”q’ab’em ub’i’; al Karla N, “La Patrona”q’ab’em ub’i’; xuquje’ a Luis N, “El Chato”q’ab’em ub’i’. Pa le tzukunem xb’an chi rij xq’alajinik che ri achi ri’ “El Patrón” xq’alajin chi taqom uchapik rumal q’atb’al tzij rech kataq b’i pache’ q’atb’al tzij rumal eri umak xub’an k’ayin awan kunb’al ri’.
Eri xechapik e’are ri’ al Valery N, “La Matea Colombiana”q’ab’em ub’i’; al Pedro N, “Pedrito”q’ab’em ub’i’; a Luis N, eta’mam uwach eri ub’i’ are a “Matías” xuquje’ al “Andrés”; al Saraí N; xuquje’ al María N ri’. Konojel ri’ eri kimak are b’anoj elaq’ toq’inik pwaq, maj pa usaqil poq’san pwaq, b’anoj molaj k’ax xuquje’ b’anoj ch’ijom k’ax chak chi kech ri winaq ri’.
Pa taq le kachoch ri winaq xtzukux upam ri’, xriq nik’aq k’aqb’al, pwaq b’otolik, k’olib’al ruk’ marihuana xuquje’ ruk’ nik’aj chik awan kunb’al ri xb’an rilik kumal ri wokajil ajchajin tinamit rech xkiq’alajisaj uwach ri tzukunem xb’an ch irij ri’.
Eri q’atb’al tzij, xkib’ij eri jun molaj b’anol k’ax xkikoj k’i taq k’ayib’al ri maj uwujilal rech poq’san pwaq rech Estados Unidos rech América xuquje’ México ri’. Are chi’ xppoq’sataj ri pwaq kumal xkitaq chi la’ pa rachoch pwaqb’al ja k’olme’r chi la’ pa Colombia ri’.