E k’o oxib’ achijab’ xechapik kumal reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), are chi’ keqam b’i chom pwaq maj usaqil ri’. Eri e’are ri’ xechap chi la’ pa le zona 5 rech Cobán, Alta Verapaz ri’.
Eri xechapik, e’are k’ut a Walter N, 25 ujunab’; Donald N, 47 ujunab’, xuquje’ a Ismael N, 51, are chi’ keqam b’i Q190 mil chi pwaqil pa jun ch’ich’ ri’. Eri nik’aj xechapik ri’ man k’ot uwuj xkik’ut tane’ ri pwaq ri’. Xuquje’ xb’antaj le rilik che ri ch’ich’ ri’ man xjunumistaj taj ruk’ ri wuj rech ri b’insal ch’ich’ ri’.
Pa le q’atoj tzij ri’, eri ajchajinelab’ antinarcóticas xkiriq keb’ chi ch’aweb’al ri’, ri kab’an retaxik rilik rech kuya’o uchuq’ab’ ri tzukunem katajin chi rij ri’. Eri e’oxib’ chi winaqil ri’ xek’am b’i pa q’atb’al tzij rech kechomaxik, chi la’ k’ut rajawaxik kaq’at wi tzij chi kij ri’ rech kechomax k’ut.
Sib’alaj rajawaxik eri winaqil kakiya ub’ixik rumal are k’o nim upatan rech eri e’ajchajil tinamit kakilo pa anaqil ri’. Rumal ri, eri q’atb’al tij sib’alaj kakib’ij chi kech ri winaqilal wexa’ k’o b’anol k’ax kakiko kab’anik, chakib’ij b’a’ pa le 110 rech ri PNC, xuquje’ 1531 rech le Cenrtro Anticorrupción Policial ri’.