Sib’alaj kow katajin kaq’atexik nik’aj elaq’omab’ kakitoq’ij pwaq ri’ xuquje’ ri kakib’an nik’aj chik b’anoj k’ax, e’are ri’ sib’alaj tajin kachapik kumal e kajchajinel ri comisarías xuquje’ rech taq ri unidades especialidades rech ri Wokajil Ajchajil Tinamit (PNC) pa ronojel rulewal qatinamit. Rumal ri’ kamik sib’alaj tajin ub’anik ri puqchajinem pa rulewal nimatinamit Iximulew xuquje’ pa Xe’laju’ ri’, xb’antaj kowonem xkichap loq e job’ chi e’ajtoq’il pwaq ri’, e k’o pandilleros kuk’ e’ajsub’unel ri kakib’an k’ax ri’.
K’o jun puqchajinem tzukunik xb’an pa le aldea Lo de Rodríguez, zona 18 rech pa nimatinamit, chi la’ k’ut xchap wi loq a Antony N, 18 ujunab’, ri q’ab’em ub’i’ “Tony”, a Samuel N, 21 ujunab’, alias “Enano”, al Ingrid N, 24 ujunab’, xuquje’ al Karina N, 34 ujunab’, e’uwinaqil ri jun clica “Corner Gangster” rech ri pandilla rech ri Barrio 18. Pa le b’anoj tzukunem q’atenik ri’, xuquje’ e k’o awam jastaq xriqitaj chi la’, are la’ kuya uchuq’ab’ ri tzukno’jchak chi rij ri’.
Eri nik’aj e b’anol k’ax ri’ taqim kachapik rumal q’atb’al tzij rumal xkib’an kamisanik, toq’inik pwaq ri’ xuquje’ rumal sib’alaj xkixib’ij ri winaqil. Xuquje’ eri tzukno’jchak chi kij ri’ are xuq’alajisaj che ri nik’aj winaq ri’ e sib’alaj kakitoq’ij pwaq chi ke ri winaqilal chi la’ pa le zona 18 rech nimatinamit xuquje’ pa San Pedro Ayampuc ri’.
Pa le zona 2 rech Coatepeque, Quetzaltenango ri’, xchap wi loq a Dany N, 41 ujunab’, ri qas kab’ix “El Canche” chi rech, are uwinaq ri jun molaj b’anol k’ax kib’i’ “Imitadores”. Eri jun b’anol k’ax ri’, are kab’ixik qas ajsik’ol rech ri pwaq kakitoq’ij pwaq, are ukojom rib’ che ajk’ayinel kawa’katik ke’uk’ayij jastaq rech kakikoj winaq pa kachoch.
K’a pa le 7 rech enero kanoq, Le “Jun Canche” ri’ are taqom uchapik rumal le q’atb’al tzij rech chi la’ rumal kub’an toq’inik pwaq ri’ xuquje’ sib’alaj k’i umak chik ub’anom, pa juli rech 2023 ri’. Ri are xchapik are chi’ xopan che uch’ab’exik jun ixoq tz’apil pa japache’ tz’apib’al rech Xe’laju’.
Pa junab’ ri’, eri wokajil e’ajchajil tinamit kichapom chik e 145 chi winaqil e’ajtoq’inel pwaq pa tinamit, ruk’ ri kachapik ri’ kaq’alajinik che ri Wokom K’amal B’e Amaq’ iximulew pa reqale’n ri chak rumal le Ministerio rech Gobernación (Mingob) rech pa le kachajixik ri winaqilal xuquje’ rech uq’atexik taq ri toq’inik pwaq kumal nik’aj b’anol k’ax, jeri’ rech qas kab’an ri ya’olchajinem winaqil pa tinamit ri’.