Pa ya’ik uchuq’ab’ le b’anoj chakunem pa wokajil ri’ eri k’uttijonem kab’an chi rij ukojik le Kemechakub’al rech Control Telemático (DCT) pa le wokaj q’atoj tzij, chi kech ri ajeqa’lenel k’amal b’e kuk’ ri q’atol tzij rech ri Organismo Judicial (OJ).
Ruk’ wa’ le b’anon tijob’enik xmajtaj iwir, xuquje’ are rech kaya uchuq’ab’ le keta’mab’al le e’ajpatanelab’ rech ri wokaj q’atb’al tzij ri’ rech utz ukojik le kemechakub’al kumal, eri jun b’anonem ri’ are la’ rech pa kanajb’ejsax katz’apixik le winaqil pa le nimatinamit.
Le Ministro rech Gobernación, Francisco Jiménez, ri achb’ilam rumal le Viceministra rech Seguridad, Claudia Palencia, pa le sib’alaj xuya wi utzijol ub’ixik chi k’o nim upatanib’al rech katerne’x ya’ik uchuq’ab’ ukojik le Control Telemático pa wokaj q’atb’al tzij ri’. “Are wa’ jun k’ak’ kemechakub’al ri tajin retaxik upatan kub’an pa le ukojik pa le rulewal qatinamit”, xcha’ le nim taqawokajnel.
“K’a pa le Rachoch Nimaja rech Contraol Telemático ri’ taqom ub’anik le k’uttijonem xuquje’ le ya’ik utzijolil le utzil kub’an we kemechakub’al ri’, eri ukojik are k’o nim upatan rech kajam kuwach le winaqil e tz’apilik pa rachoch japache’ tz’apib’al. Pa le k’uttijonem ri’ are chi’ kaya wi utzijoxik le tzijol rajawaxik chi rij wa’ le kemechakub’al ri’, ruk’ le rajil kumaj pa le ukojik”, xcha’ le Ministro Jiménez.
Le k’uttijonem ri’ k’o ub’anik pa keqale’n le e’ajtzijonelab’ al Sara Catalina Reyes, a Marlos Noel Villagrán xuquje’ a Lorenzo Castillo, ri e’are kek’uttijonem rech kakiya utzijol le ukojik ri kemechakub’al rech kakoj pa unajil ri’ pa le katerne’xik le winaqil che ri taqom kachajixik rumal ri q’atb’al tzij, ri e k’o pa le q’ateb’al tzij. K’a kamik e k’o e jo’ka’l chi winaqil kojom le kemechakub’al chi kech pa rulewal tinamit.