Eri q’atb’al tzij rech taq ri wokajilal rech ri Wokom K’amal b’e Amaq’ kuk’ ri wokajil tinamit pa uiwachulew xkijach ri ub’ixikil ri cholchak rech ri puqchajinem ub’i’ “Eagle Flight” xb’an pa le Aeropuerto Internacional La Aurora ri’ (AILA) pa le pa le k’isb’al uwach le oxib’ ik’ chi chakunem rech 2024 ri’. Pa le upatanexik le runimal cholchak ri’ ke’ilon ri’ le Wokajil Ajchajil Tinamit (PNC) pa le kapatenib’al le jalajoj taq wokajil e’ajb’anol puqchajinem tzukunik ri’ rech uq’atexik b’anoj k’ax.

Xuquje’ le wokajil ajchajil tinamit pa b’anoj komonchak kuk’ nik’aj chik wokajilal rech ri Amaq’ rech kanimaxik utzij ri taqanem ri’ xuquje’ rech pa amaq’el k’o chajinem kub’al k’u’x pa le Katak’alib’al xik’ach’ich’ keb’in pa kaj. Eri q’atb’al tzij kakib’ij, pawe q’ij ri’ k’o juk’al oxlajuj nab’ejsab’al ub’ixik xb’an ri’, are ri’ xuya pa retalil k’o jun 75% utz chak xb’anik, are la’ kuk’utu che ri b’anoj chak xb’anik are la’ sib’alaj ub’anik utz ri’.

Xuquje’ eri PNC e k’i winaq xe’uchap loq rumal k’o poq’san pwaq xkib’ano, k’o xkib’an poq’san k’ayin awan kunb’al xuquje’ ri maj q’atoj tojom chi rij jastaq kaq’ax pa tinamit, ruk’ uwach nik’aj chik. Eri b’anoj chajinem ri’ are la’ kab’antaj ri’ rumal we kaya uchuq’ab’ ri chajinem pa uq’ab’il ri wokajil rech Taqon Ya’olchajinem pa Nimatinamit, jeri’ pa nik’aj chik wokajilal. Pa le cholchajinem ub’i’ “Eagle Flight”, xuquje’ rumal le PNC ruk’ le Wokajil Q’atoj Tz’ij rech Taqon Q’attojonem ri’, ruk’ le Wokajil rech Taqon Tzijob’enem ri’, ruk’ le Wokaj Q’atoj Tzij rech Uk’u’xal K’olib’al Pwaq ri’, le Taqawokaj recn Tiko’ninem, Wakax Awajib’ xuquje’ rech Rikilem, ruk’ le MP jeri’ le Oficina rech Aduanas xuquje’ Chajib’al pa K’ulb’a’til Juyub’ rech Estados Unidos xuquje’ le Interpol-Guatemala Iximulew.

Rumal le utz chak b’anom ri’, are kach’ob’ik chewe jun cholchak puqchajib’al q’ateb’al ri’ are katerne’xik rech ya’ik uchuq’ab’ le uk’exik uwach ri b’anoj chajinem pa kaqajib’al ri xik’ach’ich’ keb’in pa kaj ri’.