Kamik, k’o waqib’ chi campamentos rech ya’olchajinem xkoj kumal reqa’lenelab’ le Wokajil Ajchajil Tinamit (PNC) k’k’ le e’ajchajil Amaq’ Iximulew pa taq k’olib’em winaqil rech runimal nimatinamit Iximulew xuquje’ pa uq’ab’ taq tinamit e k’o apanoq. Ruk’ ri puqchajinem pa komon ri’ rech k’o ya’olchajinem winaqil kab’anik, rech kaq’atexik ri b’anoj k’ax ri’ xuquje’ rech keq’atexik ri molaj e’ajb’anol k’ax pa taq le wokja che ri qas kab’antaj wi k’ax ri’.
Le viceministra rech Seguridad, Claudia Palencia, xopan ri are che rilik usolixik le chak ri’, are chi’ xub’ij chi k’o nim upatanib’al le komon chajinem ri’ rumal le Ministerios rech Gobernación (Mingob) xuquje’ rumal le Defensa Nacional (MDN), rumal ri’ k’o jun nim upatan xub’an ukojik le campamentos chi la’ k’ut. Jun ri’ are xkoj pa le colonia El Búcaro, zona 12 rech Villa Nueva ri’, e k’o xekoj pa nik’aj chik k’olib’alil. Xuquje’ le nan nim patanel xub’ij chi kech ri reqa’lenel le PNC rech chakiterne’j ub’anik ri chajinem q’atenik, rech kechajin pa tinamit.
“Eri taqim ub’anik ri’ are rech kejipixik ri e’ajchajinelab’ pa ronojel tinamit, rech kakichajij ri winaqilal rech pa kub’sal k’u’x kek’oji pa le kik’olib’em ri’ xuquje’ rech ke’opan pa le campamentos che ub’ixik we k’o ri k’ax kakilo kab’anik. Ya’tal le ch’awib’alil loq 110 rech ri PNC xuquje’ Ri 1531 rech ri Centro Anticorrupción Policial rech kakik’am apan kitzijol ri pandillas ri’ kumal le winaqilal ri’”, xcha’ le nan Palencia.
Ri ajchajinel xetaq pa zona 18
Chi rij wari’, le K’amal B’e rech ri PNC, David Custodio Boteo, xopanik xusolik pa komon, le campamenot xkoj pa le colonia El Paraíso II, zona 18, le xuya wi utzijol che ri k’olib’al chajinem k’o xkoj pa kajib’ taq tinamit rech Iximulew ri’ rech kuya uchuq’ab’ ri b’anoj chajinem, rech uq’atexik ri b’anoj k’ax rech xuquje’ rech kak’amsax chi kech ri winaqilal rech kakiya loq b’iw ub’ixik.
Eri Custodio Boteo xuquje’ xub’ij che chomatal chik rech kajipixik job’ chi campamentos ri’ pa Santa Rosa, Retalhuleu, Sacatepéquez, xuquje’ pa Xe’laju’ ri’. “Eri chakunem ri’ are rech kakub’isax kakojik ri wokajil ajchajil tinamit pa le zonas che ri keriqitaj wi ri pandillas xuquje’ ri molaj e’ajb’anol k’ax. Ruk wa’, are kato’ik ri winaqilal pa kik’aslemal ri’, rech maj b’anik elaq’ toq’inik pwaq chi kech kumal pandilleros, xuquje’ rech ya’ik uchuq’ab’ ri ya’olchajinem winaqil pa nimatinamit”, xcha’.
Chanim k’ut k’o chik waqib’ chi campamentos e kojom pa taq k’olib’alil rajawaxik ri’ jacha le Avenida Bolívar, zona 8, colonia Paraíso II, zona 18, colonias El Búcaro xuquje’ Mezquital, Villa Nueva, pa nimab’e kab’e El Salvador, Amatitlán, jeri’ pa nik’aj chik k’olib’em ri’ rech uq’atexik ri b’anoj k’ax, xuquje’ rech ya’ik uchuq’ab’ ri chajinem winaqil pa tinamit.