Are uwach ri ya’olchajinem katajin ub’anik ri’ rech ya’ik uchuq’ab’ ri chajinem winaqilal pa tinamit xuquje’ rech uq’atexik ri b’anoj k’ax, rumal ri’ eri reqa’lenel ri Comisaría 12 kuk’ reqa’lenel ri Fuerzas Especiales rech Chajin Tinamit (FEP) xkib’an ri puqchajinem pa le k’olib’alil rech ri colonias Las Alamedas y Paraíso II, pa le zona 18 rech uk’u’x nimatinamit.
Pa le b’anoj puqchajinem ri’, eri wokajil ajchajil tinamit xkib’an kasolixik ri ch’ich’ keq’axik rech xkilo we mat xat e’eleq’am ri’ ruk’ ri awan kunb’alil. Xuquje’ xb’an xkitaq kitzijol ri winaqil rech xkilo we man k’ot jun chi kech taqom uchapik tane’.
Chi la’ k’ut xeb’an wi pa komonchak puqchajinem tzukunik, q’atenik kumal ri e’ajchajin tinamit kuk’ ri e’ajchajil Amaq’ Iximulew, ri taqom pa jun chech ri e waqib’ chi campamentos rech chajinem xkoj chi la’ pa taq le qas kab’an wi b’anoj k’ax rech rulewal nimatinamit xuquje’ pa uq’ab’ taq tinamit e k’o apanoq. Ruk’ wa’, rech man xaq tawa’ kab’an ri ya’olchajinem chi la’ ri’, xane’ are rech kab’an utz kilik le winaqilal ri’.
Rumal ri’ eri q’atb’al tzij sib’alaj kakib’ij chi kech ri winaqilal, we kakilo kakib’an ri itzelal kumal nik’aj e’ajb’anol k’ax ri’ chakib’ij loq pa le 110 rech ri PNC, pa le 1574 rech aniextorsiones xuquje’ pa le 1531 rech ri Centro Anticcorrupción Policial ri’.