Le viceministra rech Seguridad, Claudia Palencia ruk’ ri k’amal b’e rech ri Wokajil Ajchajin Tinamit (PNC), Helver Beltetón, kuk’ ri Ajtaqanelab’ chajin tinamit, xek’oji pa jun nim chomanik pa le Komon rech Ya’olchainem pa Wokajilal pa Coatepeque, Quetzaltenango ri’. Pa le riqoj ib’, xchomax wi ri ub’e’al ri chajinem pa rulewal ri tinamit ri’, are rech b’a’ katerne’x ri b’anoj ya’olchajinem winaqilal xuquje’ rech ri q’atenik taq b’anoj k’ax.
Pa le utzijob’el xub’an le viceministra Palencia sib’alaj xuya ub’ixik chewe ruk’ ri chomanem xb’an chi rij ri b’anoj k’ax ri’ xuquje’ rech ri b’anoj tzukno’jchak ri’ ri chomatal chik ub’anik kumal ri wokajil chajin tinamit pa le rulewal ri tinamit ri’ jeri’ pa nik’aj chik rech ri amaq’il nimatinamit. Xuquje’ sib’alaj xub’ij ri are wa’ kab’an ri’ rech kajipixik ub’anik ri ya’olchajinem ri’ kumal e’ajchajin tinamit.
Rumal ri’, le k’amal b’e Beltetón sib’alaj xub’ij ri are chi k’o nim upatanib’al rech katerne’x ya’ik uchuq’ab’ ri ya’olchajinem ri’ rech kakub’isax kik’u’x le winaqilal xuquje’ rech uq’atexik taq ri b’anoj k’ax pa juntir rulewal ri tinamit. Jeri’ sib’alaj xub’ij che ruk’ ub’anik ri utz ya’olchajinem ri’ are la’ kukub’isaj ri kik’olib’em le winaqilal pa kik’aslemal.
Pa le ilob’anem ri’ xuquje’ xe’opan le ajchomanelab’ rech ri Wokom E’ajk’amal B0e Amaq’, ri rech wokom q’atb’al tzij, ri rech Wokom E’ajtaqaninem pa Amaq’ xuqje’ ri wokom komon winaqilal. Ruk’ le cholchajinem ri’ are la’ rech kaya uchuq’ab’ ri ya’olchajinem, ri kub’alil, ri b’anoj utzil chi kech ri winaqilal pa tinamit.