Eri tzukunelab’ rech ri Wokaj Ajchajinelab’ rech Q’atenik taq Pandillas (DIPANDA) rech ri Wokajil Ajchajil TinamiT (PNC) e’are xeriqowik jun nimaja kakiwajo wi kib’ jun molaj b’anol k’ax kib’i’ clica Carmen Locos Salvatrucha rech ri Mara Salvatrucha (MS-13) xuquje’ k’o k’i taq k’aqb’alil xriqitaj pa taq le tzukunem xb’antaj kimik 10 rech marzo pa jalajoj taq wokja rech ri zona 6 pa uk’u’x nimatinamit, pa komonchak xb’an kuk’ ri q’atol tzij xe’opan ri’.
Pa le puqchajinem xb’an pa le colonia El Carmen, chi la’ k’ut eri wokajil ajchajin tinamit k’o wuqub’ chi k’aqb’al q’aq’ maj uwujil xkiriqo, k’o jun nim raqan k’aqib’al AK-47, jun subametralladora Uzi 9, jeri’ b’elejeb’ chi chalecos antibalas ri’. Xuquje’ xriqitaj 759 chi nitz’ taq k’olib’al ruk’ ri marihuana, 185 uware k’olib’al ruk’ ri cocaína, 781 chi ub’aq’ k’aqb’al q’aq’, ruk’ oxlajun chi tolvas, keb’ chi ch’aweb’al ri’.
Pa jun chik puqchajinem xb’an pa le colonia Jesús de la Buena Esperanza rech chi la’ pa le wokja ri’, chi la’ k’ut xchap wi jun pandillero salvatrucha, ub’i’ a Rudy N, 30 ujunab’, “El Licha” utzukum ub’i’ kab’ixik. Pa le tzukunem ri’, eri jun winaq ri’ xriqitaj keb’ k’aqb’al q’aq’ ruk’ ri’, jun ri’ jasomel ri rajilab’al ri’.
Eri q’atb’al tzij xkiya utzijol che ri b’anoj tuzunem chi wari’ are la’ xb’anik rech kuya uchuq’ab’ uq’alajisaxik uwach ri’ are rumal e k’o job’ chi kamisanelab’ e salvatruchas xechapik pa le colonia “Manuel Colom Argueta”, zona 3 rech uk’u’x nimatinamit ri’, xuquje’ are wa’ xb’anik rumal ri k’aqanik k’ate pa zona 18 xuquje’ pa nimab’e kab’e pa le Atlántico ri’.