Eri reqa’lenel le Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap loq jun extraditable, are ub’i’ kb’ixik a Francis Obdulio Trujillo Soto, apodado “Tachi”, 35 ujunab’ ri’. Ri are xchap loq are chi’ kab’inik b’enaq pa jun ch’ich’, pa le 2ª calle xuquje’ 14 avenida, zona 1 rechChiquimula.
Eri jun a Tachi are xtaq loq uchapik rumal le q’atb’al tzij rech Estados Unidos rech América ri’ rumal k’o awan kunb’al cocaína xub’ano, xupako, rech xutaq b’i pa k’ay’inik pa le nimatinamit ri’, are umak ri’ xub’an ri awan kunb’al rech te k’uri’ xutaq b’i pa k’ayinem chi la’ k’ut.
Le ministro rech Gobernación, Francisco Jiménez, pa le uwachwuj pa kaqiq’ rech X, xuya wi ub’ixik chi k’o nim upatanib’al xchapataj loq jun achi extraditable ri “Tachi” q’ab’em ub’i’, ri xtaq loq uhapik rumal ri nimatinamit EE.UU., chi rij taq ri b’anoj b’i k’ayin awan kunb’al chi la’ k’ut.
Pa le uchapik ri’, eri wokajil ajchajin tinamit e antinarticóticas k’o jun k’aqb’al q’aq’ xriq ruk’, juntir k’ut ri xriq ruk’ xk’am b’i pa retaxik rilik uq’alajisab’al ri’ are kuya uchuq’ab’ ri tzukno’jchak tajin chi rij. Eri jun q’atb’al tzij rech nimatinamit Iximulew xutaq loq uchapik le jun “Tachi” pa 7 rech marzo kanoq.
Ruk’ ri are ri’, e k’o lajun e’extraditable e chapom chik pa junab’ ri’, rumal eri kimak e k’o ruk’ ri narcotráfico ri’ xuquje’ rumal k’o waqib’ kimak kib’anom. Eri kachapik ri’ are uwach taq runimal chakunem tajin ub’anik rumal le Taqawokajnem Ya’olchajinem pa Amaq’ rech kaq’atexik ri molaj b’anol k’ax ri’ pa taq nimatinamit e k’o apanoq xuquje’ rech pa kub’isax ri ya’olchajinem pa tinamit ri’.