Are wa’ ub’i’ ri cholchak ri’ “Tu Primer Paso Al Futuro”, le katajin upatanexik rumal le Secretaría Ejecutiva rech Servicio Cívico (SESC) rech keb’usik’ij rech ketatab’enik le ab’om alitom e aj iximulew ri’ rech ke’ok che nimanem pa le Servicio Cívico 2025 ri’. Eri cholchak ri’ are la’ tajin upatanexik kumal taq ri wokajilal pa tinamit rech wa’lijsan kuwach le b’anoj patan ri’ xuquje’ rech kak’utunisax ri k’ak’ chakunem kumal le e q’apojil ab’om alitom ri’.
Pa le upatanexik le cholchak ri’, rumal ri’ kimik k’o k’i k’olib’al stands xkoj ri’ pa le Plaza Cristóbal Colón, ri k’o pa le Avenida Las Américas, zona 14 chi la’ k’ut keriqitaj wi rajk’amal ub’e taq wokajilal ri’ ri xkiya ub’ixik utzijob’el chi kech ri ab’om alitom chi rij taq ri rajawaik kakinimaj uwach rech kakitz’ib’j kib’, xuquje’ rech xkiya ub’ixik ucholaj chi kech ri rutzilal kub’an ri jujun taq cholchak ri’ pa le kik’aslemal.
Le nim rajtz’ib’ le Servicio Cívico ri’, Sebastián Hernández, sib’alaj xub’ij eri utaqim ub’anik wa’, are kasik’ixik ri ab’om alitom ri’, ri k’o 18, 19 kijunab’ ri’, rech kek’am pa taq le cholchak rech servicio cívico ri tajin ya’ik uwach chi kech ri taqawokajil pa tinamit, xuquje’ rech kakimaj b’a’ ri ya’ow tob’anik rech kachomaxi ri rajawaxik chech ri Iximulew.
Le cholchak che ri kojom pa taq le stands ri’ k’o chi la’ pa le Programa Nacional rech Educación Vial rech ri Departamento rech Tránsito rech ri Wokajil Ajchajin Tinamit (DT-PNC), pa le Programa Nacional rech Salud Productiva rech ri Ministerio rech Salud Pública xuquje’ Asistencia Social (MSPAS), xuquje’ rech ri Ministerio rech Educación (MINEDUC), jeri’ pa nik’aj chik cholchak rech wa’lijsab’al ri e q’apojil, ab’om alitom ri’.
Xuquje’ le Binomio K9, ri e’are jun K’amal B’e ruk’ jun Tz’i’ Ajeqa’lenel, rech ri Subdirección General rech Análisis rech Información Antinarcótica (SGAIA) rech ri PNC, xkib’an jun uk’utik ri chak kena’w che ub’anik pa ronojel taq q’ij ri’ pa le kachajixik ri winaqilal xuquje’ pa ronojel rulewal ri nimatinamit aj iximulew.