Eri chak pa taqawokajil kumal ri Subdirección General rech Análisis rech Información Antinarcótica (SGAIA), ruk’ ri Wokaj Ajchajil Tinamit (PNC), ruk’ ri Marina rech ri Defensa Nacional, e’are k’ut xkichap loq jun jukub’ch’ich’ pa uwi palow are chi’ reqam b’i awan kunb’al, chi uchi’ palow rech Monterrico, k’o pa Taxixco, Santa Rosa. Ri xchapik ruk’ utob’anik ri q’atol tzij rech ri MP.
Eri jukub’ch’ich’ ri’ xk’am b’i pa le Comando Naval rech ri Pacífico, pa Puerto San José, Escuintla, chi la’ k’ut, are chi’ xb’an jun usolixik, eri wokaj ajchajinelab’ e’antinarcóticas xkiriq k’i k’olib’alil ruk’ 170 chi pisob’al ruk’ cocaína, jeri’ jun chik k’olib’al ruk’ marihuana.
Eri winaq e k’o pa jun lancha ri’, xch’ob’ kuwach are k’ut a Luis Felipe Abarca Gutiérrez, 31 ujunab’, xuquje’ are winaq costarricense, ri xchap loq pa jun tzukunem. Xuquje’, eri wokajil ajchajil tinamit xkiriq jun k’aqb’al q’aq’, ruk’ jun yab’al uchuq’ab’ q’aq’ xuquje’ 33 ub’aq’ k’aqb’al q’aq’ utz kakojik.
Eri retaxik xb’anik xuq’alajisaj che ri awan kunb’al pisom are rech cocaína. Eri jun eqa’n ri’ are xk’am b’i pa b’insam ch’ich’ sib’alaj chajim k’a pa k’olib’al rech ri SGAIA, k’o pa le zona 6 rech uk’u’x nimatinamit, rech xkol chi la’ rech te k’uri’ kachomax jas ri kab’an chi rech.
Eri awan xriqik eri rajil are Q18 millones 700 mil ri’. Ruk’ wa’ xb’an jun u’atexik ri narcotráfico, eri Wokom K’amal B’e Iximulew pa uchakunik ri ministerios rech Gobernación (Mingob) xuquje’ rech ri Defensa Nacional (MDN) ruk’ wa’ xuq’alajisaj che sib’alaj katajin uq’atexik ri nuk’molaj e’ajb’anol k’ax ri’ pa taq nimatinamit naj xuquje’ ri uq’axexik loq ri awan kunb’al ri’.